Марсело, Бензема, Модрич ва Кроос. “Реал” тарихидаги энг кўп соврин ютган футболчилар

Футбол бўйича Испания Суперкубоги финалида “Реал” “Барселона” устидан 4:1 ҳисобида ғалаба қозонди.

Ушбу ғалабадан сўнг мадридликлар футболчилари Лука Модрич ҳамда Начо Фернандес клуб сафидаги совринлари сонини 24 тага етказиб олди. “Реал” сафида энг кўп соврин қўлга киритиш бўйича фақатгина Карим Бензема ҳамда Марсело улардан олдинда. Иккала футболчининг ҳисобида 25 тадан соврин мавжуд. 

“Қаймоқранглилар” сафида энг кўп кубок қўлга киритган футболчилар топ-10 лиги:

1. Марсело — 25 та

2. Карим Бензема — 25 та

3. Лука Модрич — 24

4. Начо —  24 та

5. Дани Карвахаль — 23 та

6. Пако Хенто — 23 та

7. Серхио Рамос — 22 та

8. Маноло Санчис — 22 та

9. Тони Кроос — 21 та

10. Икер Касиляс — 19 та

“Реал” жорий мавсум Ла Лига, Испания Кубоги ва Чемпионлар Лигасида ҳам кураш олиб бораётганини ҳисобга олсак, Начо ва Лука Модрич мавсум сўнггига қадар клуб тарихидаги энг кўп совринга эга чиққан футболчиларга айланиши мумкин.