Opta нашри суперкомпьютер орқали Ла Лиганинг жорий мавсумида қайси жамоа чемпион бўлиши ҳақида ўз тахминларни маълум қилди. Унга кўра, “Барселона” ғолибликни қўлга киритиш учун энг катта имкониятга эга жамоа бўлиб турибди. Каталонияликларнинг чемпион бўлиш эҳтимоли 85,2 фоиз деб баҳоланган.
Уларнинг турнир жадвалидаги энг яқин таъқибчиси — Мадриднинг “Реал” клуби эса катта фарқ билан иккинчи ўринда турибди. “Қироллик клуби”нинг чемпионлик эҳтимоли 12,4 фоизни ташкил этмоқда.
“Атлетико Мадрид” ҳали ҳам чемпионлик пойгасида қолмоқда, бироқ уларга фақат математик имкониятгина қолди — жамоанинг ғолиб чиқиш эҳтимоли бор-йўғи 2,4 фоизга тенг.
Ҳозирда Ла Лига жадвалида “Барселона” 67 очко билан биринчи ўринда бормоқда. “Реал” ундан тўрт очкога, “Атлетико” эса етти очкога ортда қолмоқда. Чемпионат якунига қадар яна 8 та тур қолган.
Изоҳ (0)