Ламин Ямалнинг сўнгги “Эл-Класико”дан кейинги гапларидан “Реал” футболчилари қўшимча мотивация олган. Бу ҳақда Marca нашрига таяниб Euro-football хабар берди.
Кубок финалидан кейин 17 ёшли футболчи шундай деган эди:
Улар қанча гол уришининг аҳамияти йўқ, бу мавсум “Реал” бизни юта олмайди.
“Қироллик клуби” аъзолари Ямалнинг бу сўзларига муносиб жавоб беришни истамоқда. Шу боис мадридликлар навбатдаги ўйин учун пухта тайёргарлик кўриб, ғалаба қозониш борасида режа тузишган.
Маълумот учун, 11 май, якшанба куни Испания Ла Лигасининг 35-турида “Барселона” ўз майдонида “Реал”ни қабул қилади. Жорий мавсум жамоалар уч маротаба тўқнаш келган ва барчасида каталонияликларнинг қўли баланд келган: 4:0 (Ла Лига), 5:2 (Испания Суперкубоги) ва 3:2 (Испания Кубоги). Карло Анчелотти жамоаси мазкур нохуш серияни тўхтатиб, жорий мавсумдаги сўнгги “Эл-Класико”да ғалаба қозонишни истамоқда.
Айни пайтда “Барселона” Ла Лига турнир жадвалида 79 очко билан етакчилик қилмоқда. “Реал” 75 очко тўплаган ҳолда 2-поғонани банд этган. Агар мазкур баҳсда Ҳанси Флик жамоаси ғалаба қозонса, чемпионлик учун катта қадам ташлаган бўлади. Аксинча бўлса, Испания чемпионатининг сўнгги турлари янада қизғин кечиши мумкин.
Изоҳ (0)