“Барселона” ва Испания терма жамоасининг собиқ ҳужумчиси Давид Виля “кўк-анорранглилар”нинг ёш юлдузи Ламин Ямал ҳақида илиқ фикр билдирди.
Унинг фикрича, футболчи жорий мавсум кўрсатаётган ўйини учун “Олтин тўп”ни қўлга киритишга лойиқ:
Ямал бизни ҳайрон қолдиришда давом этаверади. Айниқса, “Интер”га қарши ўйиннинг сўнгги дақиқаларида барча жамоадошлари уни излаётгандек туйилди, гўёки улар айнан Ямал ўйинни ҳал қила олишини билишарди. Тасаввур қилинг, 17 ёшли футболчига барча ишонмоқда. Бошқа клубларга ҳурмат сақлаган ҳолда айтиш керакки, “Барселона”да ўйнаш ниҳоятда мураккаб. Бу клубнинг ўзига хос аураси бор. “Олтин тўп”ми? Кўрамиз. Мен бу мукофотга кўп ҳам ишонмайман. Аммо Ламин тан олинишга лойиқ иш қилмоқда. Мавсум ҳали якунланмади. Шундай бўлса-да, мен ишонаманки, у бир куни бу совринни албатта қўлга киритади, деди Виля Mundo Deportivo нашрига берган интервьюсида.
Маълумот учун, Transfermarkt портали ҳозирда Ямалнинг трансфер қийматини 180 миллион еврога баҳоламоқда. Футболчи жорий мавсум Ла Лига доирасидаги 32 учрашувда майдонга тушиб, ўз ҳисобида 7 та гол ва 12 та голли узатма ёздириб қўйган.
Изоҳ (0)