Мадриднинг “Реал” клуби ҳужумчиси Килиан Мбаппе Испаниядаги дебют мавсумини ёрқин тарзда якунлашни мақсад қилган.
“Қироллик клуби” ҳали ҳам Ла Лига чемпионлиги учун кураш олиб бормоқда, шунингдек, Чемпионлар Лигаси ва Испания Кубогида ҳам ғолибликка даъвогарлик қилмоқда.
Мен Ла Лига, Чемпионлар Лигаси ва умуман “Реал” билан ютиш мумкин бўлган барча турнирларда ғалаба қозонишни хоҳлайман, деди Мбаппе лаЦехта нашрига берган интервьюсида.
Карло Анчелотти бошчилигидаги жамоа ҳозирда Ла Лига турнир жадвалида 29-турдан кейин иккинчи ўринда бормоқда. Улар ҳозирда асосий рақобатчиси “Барселона”дан уч очко ортда қолмоқда. Чемпионлар Лигаси чорак финалида мадридликлар “Арсенал” билан тўқнаш келади, Испания Кубоги ярим финалида эса “Реал Соседад”га қарши жавоб учрашувини ўтказади.
Маълумот учун, жорий мавсум франциялик футболчи “Реал” таркибида 43 та баҳсда майдонга тушиб, ўз ҳисобига 33 та гол ва 4 та ассист ёздириб қўйган.
Изоҳ (0)