Мадриднинг “Реал” клуби “Атлетик” футболчиси Нико Уильямс борасида билбаоликлар раҳбарияти билан боғлангани йўқ. Бу ҳақда АS нашри журналисти Хоаккин Марото маълум қилди.
Аввалроқ Marca нашри “қаймоқранглилар” “Атлетик” билан шартномани муддатидан олдин бекор қилиши учун Уильямсга 58 миллион евро тўлашга тайёрлиги ҳақида хабар қилганди. Бироқ Маротога кўра, “Реал” бу трансферни ҳозирча кўриб чиқмаяпти.
Маълумотларга кўра, Мадрид клуби аввалроқ Нико Уильямсга “Барселона” қизиқаётганини инобатга олиб, уни қўлга киритиш имкониятини ўрганаётган эди. Ҳатто “Реал” томон бу трансфер учун бразилиялик ҳужумчи Родригони ҳам сотишга тайёр эканлиги айтилганди.
Эслатиб ўтамиз, 22 ёшли испаниялик вингер жорий мавсумда барча мусобақалар доирасидаги 44 та ўйинда майдонга тушиб, ўз ҳисобига 11 та гол ва 7 та голли узатма ёздириб қўйган. Унинг “Атлетик” билан шартномаси 2027 йилнинг ёзигача амал қилади. Transfermarkt сайтига кўра, футболчининг қиймати 70 миллион еврони ташкил этади.
Изоҳ (0)