Икки ўйинда «Атлетико» дарвозасига 5 та гол урган «Севилья» Испания Кубогида ярим финалга йўл олди

Футбол бўйича Испания Кубогининг биринчиси ярим финалчиси номи кеча — 23 январь куни аниқ бўлди.

Мадриднинг «Атлетико» клуби билан тўқнаш келган «Севилья» ўз майдонида 3:1 ҳисобида зафар қучди. Томонларнинг «Ванда Метрополитано» аренасида кечган биринчи ўйинида ҳам Винченцо Монтелла бошчилик қилаётган «Севилья»нинг қўли баланд келганди — 2:1.

Шу тариқа Ла Лига чемпиони бўлишдан умидини узмаган «Атлетико» кубокдан чиқиб кетди. Аввалроқ мадридликлар «Челси» ва «Рома» билан рақобатлаша олмай, Чемпионлар Лигасидан учирма бўлган ва иштирокини Европа Лигасида давом эттиришига тўғри келиб қолганди.

Бугун Мадриднинг «Реал» клуби ярим финал йўлида саф тортади. Шунингдек, «Валенсия» футболчилари ҳам бу борада яхши имконият ҳосил қилган. «Барселона»нинг иши эса бироз оғирроқ. Каталония дербисида «Эспаньол»дан енгилган Вальверде жамоаси, эртага бўлиб ўтадиган жавоб ўйинида вазиятни ўнглаши керак бўлади.

Испания Кубоги Чорак финал 23 январь, сешанба

«Севилья» — «Атлетико» 3:1

24 январь, чоршанба«Алавес» — «Валенсия» (1:2)«Реал Мадрид» — «Леганес» (1:0)

25 январь, пайшанба«Барселона» — «Эспаньол» (0:1)