“Barselona” klubi yozgi transfer oynasida tarkibni kuchaytirishga bel bog‘lagan. Shuningdek, jamoa barcha pozitsiyalardagi muammolarni hal qilishi kutilmoqda. Bu haqda Fichajes nashri xabar berdi.
Unga ko‘ra, klub rahbariyati birinchi navbatda hujum chizig‘ini kuchaytirishni maqsad qilgan. Asosiy nomzod — “Liverpul” futbolchisi Luis Dias. Agar bu transfer amalga oshmasa, unga muqobil variant sifatida “Manchester Yunayted” futbolchisi Markus Reshfordni sotib olishga urinib ko‘radi.
Himoya chizig‘ida bir nechta futbolchilarning kelajagi noma’lumligicha qolmoqda. Murabbiy Ronald Arauxoning jismoniy holatidan mamnun, biroq himoyachi doimiy tarzda asosiy tarkibda o‘ynashni xohlamoqda va bu muammo keltirib chiqarishi mumkin. Andreas Kristensen jamoadan ketishi aytilmoqda, Erik Garsiya esa turli pozitsiyalarda foydali o‘yin ko‘rsatayotgani bilan murabbiyda yaxshi taassurot qoldirgan.
Yarim himoyada esa o‘zgarishlar Frenki de Yongning qolish-qolmasligiga bog‘liq. Darvozabon masalasi ham ochiq turibdi: agar Voytsex Shensni faoliyatini yakunlashga qaror qilsa, “Barselona” Mark-Andre ter Shtegenga munosib zaxira darvozabon qidiradi. Bu borada “Espanol” posboni Xuan Garsiya nomi tilga olinmoqda.
Izoh (0)