“Астон Вилла” сафида ижарада тўп сураётган “Манчестер Юнайтед” ҳужумчиси Маркус Рэшфорд фаолиятини Испанияда давом эттириши мумкин. El Nacional нашрининг хабар беришича, “Барселона” клуби футболчини ўз сафига қўшиб олиш имкониятини кўриб чиқмоқда.
Манбага кўра, каталонияликлар аъзоси Ламин Ямал Рэшфорд билан бир жамоада тўп суришни истаётганини билдирган. Бу ҳолат “Барселона” раҳбариятининг трансферни амалга ошириш хоҳишини ортишига сабаб бўлган.
Шунингдек, Маркус яқинда агент Пини Заҳави билан ҳамкорликни бошлаган. У “Барселона” устози Ҳанси-Дитер Флик ва ҳужумчи Роберт Левандовски билан ҳам ишлайди.
Айни дамда трансфер юзасидан расмий музокаралар бошланмаган, бироқ футболчининг “Барселона”га эҳтимолий ўтиши ёзда амалга ошиши мумкинлиги айтилмоқда.
Маълумот учун, Маркус Рэшфорд жорий мавсум Англия Премьер Лигаси доирасидаги 25 учрашувда майдонга тушиб, ўз ҳисобига 6 та гол ва 3 та голли узатма ёздириб қўйган. Унинг “Манчестер Юнайтед” билан шартномаси 2028 йилгача амал қилади. Transfermarkt портали футболчининг қийматини 50 миллион евро деб баҳолаган.
Изоҳ (0)