Таътилдан қайтиб келган Ла лига клублари 2017 йилги мавсумни бошлаб юборди. Аввалига Испания кубоги, кетидан эса чемпионатнинг 17-тури.
«Реал Мадрид»
Зидан Мадрид клубини қабул қилиб олганига 4 январь куни 1 йил тўлганди. Бу вақт ичида жамоа ўсишга эришди.
«Sports.ru» хабарига кўра, «Реал» испан клубларининг энг узоқ давом этган мағлубиятсиз серияси бўйича рекордни такрорлади. Мана 39 та ўйиндирки, Зидан шогирдларини ҳеч ким мағлуб эта олмайди.
Маълумот учун, 2015 йилги мавсумда «Барселона» кетма-кет 39 та ўйинда мағлуб бўлмай, Испания рекордини ўрнатганди. Такрорланган рекордни янгилаш учун «Реал»га яна 1 та учрашувда мағлуб бўлмаслик кифоя. Навбатдаги учрашувни «Қироллик клуби» 15 январь куни «Севилья» майдонида ўтказади.
Карим Бензема
«Гранада» дарвозасига гол урган франциялик ҳужумчи «Реал» тўпурарлари орасида 8-ўринга кўтарилиб олди. 2009 йилнинг ёзида Мадридга кўчиб ўтган Бензема ўтган давр мобайнида «Реал» шарафини 338 ўйинда ҳимоя қилди ва 172 та гол урди. Шунингдек, 80 та голли узатма берди.
«Реал» тўпурарлари орасида 7-ўрин Франcиско Хентога тегишли бўлиб, унинг ҳисобида 182 та гол бор.
Карим Бензема Ла лигага ташриф буюрганидан буён энг кўп айнан «Гранада» дарвозасини ишғол қилган — 10 бор.
Криштиану Роналду
«Реал» клуби устози Зинедин Зидан Криштиану Роналдуга имконият нима сабабдан кам берилаётганига изоҳ берди.
Биз Роналду билан ротация масаласида келишиб олдик. Матбуот унинг нақадар керакли футболчи эканини тушуниши керак. Мен Роналду бутун мавсум давомида яхши формада бўлишини истайман.70 кун ичида 20 та ўйин ўтказиш бу даҳшат. Унга дам керак ва буни унинг ўзи ҳам тушунди, орамизда ҳеч қандай муаммо йўқ.
Зинедин Зидан, «Реал Мадрид» бош мураббийи
«Барселона»
2017 йил «Барселона» учун таҳликали бошланди. Аввалига Испания кубогида «Атлетик»дан мағлубият, кейин эса Ла лигада «Вильярреал» Каталония клубидан очко тортиб олди.
Бруно Сориано жарима майдончасида тўпни икки бор қўли билан ўйнади. Мен Маскеранонинг қўлига тўп текканини ҳам кўрдим, бироқ бу қасддан эмасди. Ўзингиз кўриб турибсиз, ҳакамлар ҳар ўйиндан кейин ўзи учун гап тилаб олмоқда.Пике «Атлетик»ка қарши ўйиндаги муваффақиятсизликдан кейин ҳам ҳакамларни айблаганди. Ваҳоланки ўша учрашувда рефери «Атлетик»нинг икки футболчисини майдондан четлатганди.Умумий планда биз «Вильярреал»дан яхшироқ ўйнадик. Чемпионат ҳали бой берилмади. Ниманидир ўзгартириш эвазига вазиятни ўнглаб, бош совринни ютиб олишимизга ишонаман.
Мен учрашувни телевизор орқали томоша қилдим. Бруно Сориано тўпни қўли билан ўйнагани такрорий лавҳалар орқали яққол кўринди. Ҳакамларга видеотакрорлар орқали ёрдам бериш керак.«Вильярреал»га бўлган ҳурматни сақлаган ҳолда айтаман: биз зафар қучишга ҳақлироқ эдик. Месси, Неймар ва Суарес таътилга чиқмагандек ўйнади. Бироқ ғалаба голи урилмагани учун уларни айблаб бўлмайди.
Ҳорди Местре, «Барселона» вице-президенти
«Валенсия»
Чезаре Пранделлини сақлаб қола олмаган «Валенсия» Ла лигада жон сақлаб қолиш учун бор ғайратини ишга солмоқда. Яқиндагина жамоа «Қозоғистон»нинг «Астана» клубида тўп сураётган Неманья Максимович билан 2021 йилнинг ёзига қадар мўлжалланган шартнома имзолади.
Сербиялик 21 ёшли футболчининг «Астана» билан шартномаси 2017 йилнинг ёзига қадар мўлжалланганди. Шу боисдан «Валенсия» қозоғистонликлар ҳисоб рақамига 300 минг евро ўтказиб беради.
«Вильярреал»
«Барселона»дан очко тортиб олишга муваффақ бўлган жамоа уй стадиони номини ўзгартиришга қарор қилди. Бунга қадар «Эл Мадригал» номи билан танилган ўйингоҳ, эндиликда «Estadio de la Seramika» деб юритилади.
Бундан буён стадион керамогранитдан ишланган қоплагич ёрдамида «Вильярреал»нинг асосий либоси бўлган сариқ тусга кириб туради. Яна бир неча кундан кейин клуб музейи ишга тушади. Стадион тўлиқ реконструкциядан чиқиши учун эса яна 3—4 йил вақт керак бўлади.
Клуб стадионни таъмирлаш ишларига қарашаётган барча — 7 компния номини кириш қисмига ёзиб қўйди.
Антуан Гризманн
«Эйбар»га қарши беллашувнинг 72-дақиқасида гол урган франциялик ҳужумчи Антуан Гризманн Ла лига доирасида 843 дақиқадан буён давом этиб келаётган голсиз сериясига якун ясади.
Гризманн кубок беллашувларида гол ураётгани билан, Ла лигада сўнгги бор 2 октябрь куни «Валенсия» дарвозасига йўл топган бўлиб, кейинги 9 та беллашувда майдонни голсиз тарк этганди.
Самир Насри
Франция терма жамоасига чақирилмайдиган, «Манчестер Сити»да қадр топган Самир Насри ўзини «Севилья» сафида бахтли ҳис қилаётганди. Айни вақтда эса унга 4 йиллик дисквалификация таҳдид солмоқда.
Насри Лос-Анжелесга ташриф буюриб, ичини ювдирган. Бу эса WADA томонидан допинг текширувидан «омон чиқиш учун» деб қаралди. Спортчилар бундай амалиётни ўзида қўллаш учун биринчи навбатда махсус рухсатнома олиши керак эди. Насри эса бундай қилмаган.
Регламентга кўра, бундай ҳолатда спортчи 4 йилга спортдан четлатилади. Агар Насри бу жараён аслида нима учун эканини ишонарли далиллар билан исботлай олса, унинг четлатилиш муддати бироз камайтирилиши мумкин.
Изоҳ (0)