Испания Ла Лигаси 35-тури доирасидаги “Барселона” — “Реал Мадрид” баҳси якунига етди. Ушбу беллашувда каталонияликлар 4:3 ҳисобида ғалаба қозонди. Opta Sport нашри маълумотларига кўра, мазкур ғалаба “Эл-Класико”лар тарихидаги энг узун дурангсиз серияга сабабчи бўлган.
Унга кўра, Ла Лиганинг икки гранд жамоаси ўртасидаги сўнгги 18 та тўқнашув дурангсиз якунланиб, бу тарихдаги энг узун серияга айланди.
Ушбу 18 ўйиндан 8 тасида “Барселона” ғалаба қозонган. Таъкидлаш керакки, Ҳанси Флик жамоаси шулардан 4 тасини айнан жорий мавсумда қўлга киритган. 10 та беллашув эса Мадрид клуби фойдасига ҳал бўлган.
Эслатиб ўтамиз, Ла Лиганинг 35-туридан сўнг “Барселона” 82 очко билан турнир жадвалининг етакчиси бўлиб турибди. “Реал Мадрид” эса шунча ўйин ўтказган ҳолда иккинчи поғонани эгаллаб турибди. “Қироллик клуби” ҳисобида 75 очко мавжуд.
Изоҳ (0)