“Барселона” клуби ярим ҳимоячиси Дани Ольмо каталонияликлар сафида қолади. Футболчининг агенти Энди Бара унинг мижозига “Манчестер Сити” томонидан қизиқиш борлиги ҳақидаги хабарларни рад этди.
Баранинг айтишича, мижози Каталонияда жуда ҳам бахтли. Тарқалган миш-мишлар ҳақиқатга тўғри келмайди:
Биз ҳеч қандай клуб билан музокара олиб бормаяпмиз. Дани ҳозирда “Барселона”да жуда бахтли. Ольмо Каталонияда кўплаб совринлар ютмоқда ва ажойиб жамоанинг бир қисмига айланган. Тарқалган миш-мишлар ҳақиқатга тўғри келмайди. Бироқ, келажакда нима бўлишини ҳеч ким аниқ билмайди, деди агент журналист Патрик Бергер билан суҳбатда.
Дани Ольмо “Барселона” сафига ўтган ёзда қўшилган эди. У жорий мавсумда барча турнирлар доирасидаги 37 ўйинда майдонга тушиб, 11 та гол ва 7 та голли узатмага муаллифлик қилди. Унинг клуб билан амалдаги шартномаси 2030 йилнинг ёзигача мўлжалланган. Transfermarkt портали маълумотига футболчининг қийматини 60 миллион еврога баҳолаган.
Изоҳ (0)