Албатта, косметикасиз яшай олмасликнинг кўп сабаблари бор. Бу аёлларга барча афзалликларни таъкидлашга ва камчиликларни яширишга ёрдам беради, ташқи кўринишни янада гўзаллаштиради. Ростини айтганда, аксарият аёллар балоғат ёшидан бери бўяниш жараёнидан завқланади. Аммо нима бўлишига қарамасдан, баъзида бироз танаффус қилиш ва терига дам бериш керак. Дерматологлар ойига камида бир неча марта бўянмасликни ва терини дам олдиришни тавсия қилади. «Новий очаг» нашри эса бунинг 5 та сабабини маълум қилди.

Тери тешиклари камроқ кўзга ташланади

Тональ крем, румяна, консилер, упа ва бошқа косметик воситалари чиройли визуал эффект яратади, лекин айни пайтда тешикларни ёпади. Вақт ўтиши билан аҳамиятсиз экология ва бошқа омиллар туфайли терига жойлашадиган токсинлар билан бир қаторда, улар тешикларга ёпишади, улар охир-оқибат кенгаяди ва сезиларли даражага келади. Тери тешикларини каттаймаслиги учун юзни мунтазам тозалаш ва бир неча кун макияжсиз юришдан кўра яхшироқ усул йўқ. Тери аста-секин тозаланади ва юз янада текис ва силлиқ бўлади.

Ҳуснбузарлар сони камаяди

Қанчалик кўп косметикадан фойдаланилса, шунчалик кўп токсинлар юз терисига тушади. Бундан ташқари, бактериялар макияж чўткалар ва губкаларда кўп миқдорда тўпланади. Натижада бактериялар тешикларга кирибгина қолмай, балки яллиғланишни ҳам келтириб чиқариши мумкин, яъни юзга кўпроқ косметик воситаларни қўллаш орқали уларни яширишга ҳаракат қиламиз. Шундай қилиб, хулоса оддий — камроқ бўёқ, камроқ ҳуснбузар. Тахминан 30 фоиз ҳолларда тональ кремлар ҳуснбузар тошишининг сабабидир.

Кўзлар дам олади

Афсуски, кўзни парвариш қилиш воситаларининг аксарияти керагидан кўра узоқроқ хизмат қилади. Туш ва подводка 4-6 ойдан кўп бўлмаган муддатда сақланиши мумкин, кейин эса бу маҳсулотлар инфекция манбасига айланиши табиий. Маълум бўлисича, туш ва подводка кўпинча конъюнктивит инфекциясининг сабабларига айланади, кўзлар кўпинча қизариб, ёшланади. Баъзида қичишиш, ачишиш ёки қуришига олиб келиши мумкин. Шуни ёдда тутиш керакки, косметикани бошқалар билан баҳам кўриш орқали бактериялар юқиши мумкин.

Тери ҳолати яхшиланади

Макияж тери ҳужайраларининг табиий янгиланиш жараёнига халақит беради, айниқса, кечаси тозаланмай уйқуга ётилса. Бундай ҳолда, эпидермиснинг ўлик қатламини янгилаш қийин. Натижада эрталаб юз қуруқ ва кул ранг бўлади. Юз қачон яхши ювилса, эрталабдан бу кайфиятга ҳам таъсир қилади.

Аллергик реакция камаяди

Парабен, сулфат ва металл бирикмаларини оддий аёллар косметик воситасидан топилиши мумкин. Афсуски, улар аллергик реакцияларига олиб келиши мумкин бўлган 3700 модданинг зарраларидир. Косметикага аллергия, кўпинча контакт дерматит, терида қизил, қичитқи яралар кўринишида намоён бўлади. Агар бу сиз билан содир бўлса, дарҳол косметикадан фойдаланишни тўхтатиб, терини бир неча кун давомида макияжсиз қолдир керак.

Ажинлар сезилмайди

Афсуски, ажинларни яшириш учун қилинган макияж уларни янада аниқ кўринадиган қилади. Кўз остидаги ажинларни яшириш учун тональ крем суртилади ва у тескари натижани кўрсатади. Восита энг кичик бурмаларга кириб, уни қўполлаштирди. Шунинг учун ажинларни яширишни тўхтатиб, терини нафас олишига имкон бериш лозим. Натижада янада ёшроқ кўринишга эришиш мумкин.