Ҳуснбузарлар энг кенг тарқалган тери муаммоларидан биридир. Одатда бу нафақат ўсмирларга, балки катта ёшдаги инсонларга ҳам тегишлидир. Гормонал ўзгаришлар, стресс, нотўғри овқатланиш, чекиш ва бошқа кўплаб омиллар терининг ҳолатини сезиларли даражада ёмонлаштириши мумкин. «Новий очаг» нашри юз терисидан ҳуснбузарларни бартараф этиш учун фойдали лайфхаклар билан бўлишди.
Телефонни тозалаш
Инсон кунига бир неча марта қўлларини ювади, лекин телефон деярли тозаланмайди, гарчи буни ҳар куни амалга ошириш керак бўлса ҳам унутиб қўяди. Агар телефонда узоқ вақт гаплашилса, у ёноққа маҳкам босилса, бу юз териси тўқималарида ўзгаришларга олиб келади. Тери тешиклари тиқилиб қолади, ўлик ҳужайралар ва ёғ безларини тўсиб қўяди ва бактериялар ичкарига киради. Натижада патоген бактериялар кўпая бошлайди, шунинг учун яллиғланиш, яъни ҳусбузарлар пайдо бўлади. Шунинг учун ҳам смартфонни иложи борича тез-тез антибактериал восита билан артиб олиш зарур.
Макияж чўткаларини ювиш
Мунтазам фйдаланиладиган макияж чўткалари вақт ўтиши билан бактериялар учун ажойиб муҳитга айланади, чанг ва косметика қолдиқлари уларнинг устига жойлашади. Бу тери инфекцияси хавфини келтириб чиқаради, шунинг учун ёноқларда тўсатдан тошма пайдо бўлса, бунинг сабаби тозаланмаган чўткалар туфайли бўлиши мумкин. Макияж чўткаларини ҳафтада бир марта, тональ крем губкасини эса ҳар фойдаланишдан кейин ювиш лозим.
Сочиқ ўрнига қоғоз салфеткалардан фойдаланиш
Одатда юз момиқ сочиқ билан артилади, аммо уларда вақт ўтиши билан бактериялар массаси тўпланади. Сув, тер томчилари, тери секрецияси ва бошқалар сочиқларни сақланиб қолади ва ҳар сафар улар билан юз артилганда бактериялар яна терига тушади. Косметологлар оддий сочиқни бир марта ишлатиладиган қоғоз салфеткаларга алмаштиришни ва ювишдан кейин юзни артишни маслаҳат беради. Бу ҳам қулай, ҳам гигиена учун фойдали.
Ёстиқ жилдини тез-тез алмаштириш
Соч ювилгандан кейин ёстиқ жилдини ҳар уч кунда алмаштириш тавсия этилади. Бу орқали ҳар кеча ёстиқда ёмон бактериялар тўпланиши эҳтимоли камаяди.
Камроқ ширинлик истеъмол қилиш
Кўпгина тадқиқотлар шуни кўрсатадики, баъзи одамларда ҳуснбузарни камайтириш учун шакар ёки сут маҳсулотларидан воз кечиш кифоя. Бундан ташқари, рационда кўп миқдорда шакарнинг бўлиши қариш жараёнини тезлаштиради ва ҳужайраларга зарар етказади. Терининг қаттиқлиги ва эластиклигини сақлаб қолиш учун шакар ва у мавжуд бўлган маҳсулотлар истеъмолини камайтириш керак.
Изоҳ (0)