Тональ кремсиз юз терисига қўллаб бўлмайдиган 4 та косметик маҳсулот

Тональ кремининг асосий вазифаси терининг камчиликларини ниқоблаш, уни текислаш ва юзга оро беришдир. Ушбу восита уни ўзига хос образга айлантиришга имкон беради. Тональ кремидан сўнг юз терисига контур, лаб бўёғи, тень, румянани хавфсиз қўллаш мумкин, деб ёзади Marie Claire.

Блогер, профессионал визажист ва Маke up онлайн бўяниш мактабининг асосчиси Ирина Голубева қайси косметик воситаларни фақат тональ крем қўллангандан кейин ишлатиш яхшироқ эканини айтиб ўтди.

Қизил рангдаги лаб бўёғи

Тональ кремсиз яшай олмайдиган биринчи маҳсулот қизил ва қизғиш рангга эга бўлган барча лаб бўёғидир. Ушбу ранглардаги лаб бўёғи агар тональ кремисиз қўлланилса, терининг барча яллиғланиши, қизариши ва нотекислигини таъкидлайди.

Шунингдек, ҳеч қачон лабни қаламсиз лаб бўёғи билан бўямаслик керак. Лаб бўёғига мос келадиган қалам лаб чизиғини ҳаддан ташқари ошириб юбормасликка ёрдам беради. Қолаверса, лабларни махсус чўтка билан бўяш тавсия этилади.

Тень

Тональ кремисиз қўлланилмаслиги керак бўлган кейинги маҳсулот қуруқ тенлардир. Бусиз маҳсулот тезда пастки қовоқ ва ёноқларга ёйилиб кетади ва бир мунча вақт ўтгач, бутун макияжни йўққа чиқаради.

Тенларни қўллашдан олдин кўз қовоқларининг терисини олдиндан тайёрлаш керак: кўз қовоғига бирор намлантирувчи крем, сўнгра тональ ёки консилер қўллаш мумкин. Шундан кейингина тен қовоқ терисига яхши ўрнашади ва бўялиб кетмайди.

Қуруқ скульптор

Скулптор ҳам олдиндан тайёрланган юз терисига қўлланилиши керак. Агар у терига тоналсиз қўлланилса, маҳсулот кул ранг доғлар сифатида пайдо бўлади ва керакли юз контури чиқмайди. Бундай ҳолда макияж мукаммал бўлмайди.

Бронзер

Ушбу гўзаллик маҳсулоти терига тобланган, тинчланган кўриниш бериш учун мўлжалланган. Уни тошма, яллиғланиш, доғлар, кўз остидаги кўкаришлар билан терига қўллаш мумкин эмас. Тери олдиндан тайёрланган бўлмаса, бронзер фақат юқоридаги барча камчиликларни таъкидлайди ва эстетик бўлмаган сариқ доғларга ўхшаш кўриниш беради.

Бундан ташқари, тональ кремни нам спонж билан қўллаш тавсия этилади. У юздаги ортиқча ёғларни ўзлаштиради ва иложи борича терига енгил сингиб кетади.