10 дақиқада кетиш керак ва сиз ҳали ҳам тайёр эмасмисиз? Шунингдек, макияж воситалари етарлича мавжуд эмасми? Бу муаммо эмас! Қуйида макияж муаммоларини қандай тез ва осон ҳал қилишни кўрсатамиз.
Румянани қовоққа суртинг
Қўлида фақат туш ва румянаси борлар диққатига! Ёноқларга пушти ёки шафтолиранг билан оро берилганда кўз қовоғини ҳам бўяшни унутмаслик керак. Ушбу лайфхак бир зумда тасвирни бойитади.
Қаламни юқори ҳароратда эритинг
Қандай қаламдан фойдаланишдан қатъи назар, профессионал бўяниш ҳар қандай аёл учун аҳамиятли. Кўзларингизни бўяшдан олдин қаламни олов остида бир неча сония ушлаб туриш керак. Шундан кейин қалам янада юмшоқроқ бўлади ва макияж жараёнида қийинчилик туғдирмайди.
Спонжга ёғ суртинг
Агар тери қуруқ бўлса, тональ кремни суртиш муаммо бўлиши мумкин. Бу каби ҳолатда чўткадан фойдаланиш тавсия этилмайди, балки спонж яхши самара беради. Ишлатишдан олдин уни сув ёки юз учун махсус ёғда намлаш зарур. Ёғ тональ кремини қуруқ ва дағал терига ҳам мукаммал тарзда қўлланишига ёрдам беради.
Бурун қанотлари ва кўпригига консилер суртинг
Кўз остидаги кўкарганларни яшириш учун консилердан фойдаланганда бошқа иккита муаммоли жойни ҳам унутмаслик керак. Бу бурун қанотлари ва кўприги, у кўзнинг бурчагига яқинроқ. Бу жойлардаги тери кўпинча ранг-баранг бўлади ва ушбу воситадан фойдаланиш макияжни яхшилашга имкон беради. Айтганча, ҳамма профессионал визажистлар бу усулдан фойдаланади.
Соч учун мўлжалланган лакдан қошга сепинг
Қошларни мукаммал ва таралган кўриниши учун махсус гел ёки мум сотиб олишингиз шарт эмас. Қошни чиройли кўринишга келтиргандан сўнг соч учун мўлжалланган лакдан сепиш кифоя. Ушбу лайфхак кун бўйи тасвирнинг бузилишига йўл қўймайди.
Иккита тональ кремдан фойдаланинг
Юзнинг ҳамма қисми ҳам бир хилда эмас. Кўз ва оғиз атрофида ёноқларга нисбатан кўпроқ ажин бўлади. Шунинг учун юздаги нуқсонларни мукаммал даражада яширадиган тональ кремидан фақат муаммоли жойлар учун фойдаланиш мумкин. Иккинчи тональ кремини эса шунчаки юзнинг қолган қисми ва бўйин соҳасига суриш тавсия этилади.
Намлантирувчи лаб бўёғини румяна билан биргаликда ишлатинг
Товланмайдиган лаб бўёғи модада, лекин, афсуски, ҳатто энг юқори сифатли лаб бўёғи ҳам лабларни қуритади. Бунинг оддий ва ёқимли ечими бор. Одатдагидек намлантирувчи лаб бўёғини суртиб, унинг устидан румяна суртиш кифоя. Ушбу вазиятда румяна ўрнига упа суриш тавсия этилмайди. Чунки у лаб рангини ҳам яширади.
Чўткаларни тозалаш учун оддий соч турмакловчидан фойдаланинг
Турли рангдаги тенлардан фойдаланишда чўткани тозалаш учун ажойиб восита ёрдамга келади. Бу соч турмакловчи айлана. Унга чўткаларни ишқалаш ёрдамида тозалаш мумкин.
Праймернинг ўрнига қуёшдан ҳимоя қилувчи крем
Агар юзга қуёшдан ҳимояловчи крем бўлса, праймер сотиб олишнинг ҳожати йўқ. Қуёшдан ҳимоя қилувчи крем терига нозик ва соғлом нур беради. Шунингдек, ушбу кремдан ҳар қандай мавсумда ҳам фойдаланиш тавсия этилади.
Тери рангидаги қалам ҳамма нарсага асос бўла олади
Кўз ёки лаб учун алоҳида асос сотиб олишнинг кераги йўқ. Тери рангидаги қалам макияжда жуда катта ёрдам беради. Ундан кўз, лаб ва қовоқ учун самарали фойдаланиш мумкин.
Изоҳ (0)