Визажистлардан тавсия: Макияж борасида сиз билмаган 20 та қоида

Макияж кўнгилдагидек чиқиши учун мавжуд қоидаларга амал қилиш керак.

Олга Комраков, Clarins етакчи визажисти:

1. Тен суртгандан кейин қолдиқлар терига тўкилса, уни поролон аппликатор билан тозалаш мумкин.

2. Лаб контурини бир текисда чизишнинг имкони бўлмаяптими? Биринчи бўлиб помадани лаб контуридан чиқазмасдан суртинг. Кейин лаб қалами билан помада устидан юргизиб, керакли шаклга келтириб олинг.

Светлана Гребенкова, Promakeup Laboratory креатив раҳбари ва визажист:

3. Исталган макияж қилишдан аввал лабингизга биринчи бальзам суртинг. Помада суртишга навбат келгунча лабингиз макияжга тайёр ва бўяш осон бўлади.

4. Қошни бўяшдан аввал уни қош чўткаси билан тараб, кейин бўянг.

Евгения Тарасова, визажист:

5. Тонал крем суртганда унинг чегараси кўриниб қолмаслиги керак. Уни яхшилаб терига сингдириш, бўйин ва қулоқ билан ранги ажралиб қолмаслигига эътибор бериш керак.

6. Кўз бурчагини визуал равишда кўтариш учун кўз тагидаги қорайишларни консилер билан ёпганда уни чакка томонга қараб чўзиш тавсия қилинади.

Жоржио Форгани, Pupa’нинг халқаро визажисти:

7. Кўзлар каттароқ кўриниши учун тушни киприкка зиг-заг ҳаракати билан пастдан тепага қараб ҳаракатлантириш керак. Туш чўткасининг ташқи бурчакка қараб суртилиши эса кўзга бодомсимон шакл беради.

Юрий Столяров, Maybelline NY’нинг етакчи визажисти:

8. Тен суртишдан аввал салфетка билан қовоқлар ёғсизлантирилиши керак. Макияжни биринчи кўзни бўяш, кейин эса пудра ва румянадан бошланг. Чунки кўз макияжи ўхшамай қолса, юзни ювиш ёки артишга тўғри келиши мумкин.

Екатерина Пономарева, визажист:

9. Кўзнинг ички ва ташқи бурчагига подводка суртилганда кўз ёшланиши мумкин. Бунда оддий туш ёрдам беради. Тушни пахтали таёқчага суртиб уни ўчган подводка жойига суртинг.

Анна Меркушева, визажист:

10. Қошни бўяшни унинг қиррали жойига урғу беришдан бошланг. Кейин учини, охирида эса бошланиш жойини бўянг.

11. Стрелка учини кўзларни очга ҳолда чизинг.

Мария Пиренкова, Yves Saint Laurent’нинг собиқ визажисти:

12. Кўзлар смокй эес усулида бўялганда тен тўкилиши мумкинлиги сабаб ҳам консилерни тендан кейин, аммо тушдан аввал суртинг.

Андрей Шилков, юлдузлар визажисти:

13. Туш суркалганидан кейин қуришини кутиб, кейин пахтали таёқча билан арца, дарров ўчади.

Вяческав Сасин, Dior’нинг собиқ визажисти:

14. Юз ялтиратадиган восита юз контури бўйлаб суртилса, табиий кўринади. Помадани румяна ўрнида ҳам ишлатиш мумкин.

Владимир Калинчев, визажист:

15. Макияж асоси сифатида кўзга оч тендан ҳам фойдаланиш мумкин. Уни қовоққа суртиб, устидан танлаган рангингизни суртишингиз мумкин. Бунда тен узоқроқ туради.

16. Пудрани керагидан ортиқ суриб юборган бўлсангиз, термал сувни юзингизга пурканг, тери табиий кўринади.

Жейн Ричардсон, NARS халқаро визажисти:

17. Пушти румяна юзга чиройли тус беради, уни қовоққа суртиш эса образни янада чиройли кўрсатади.

18. Жилосиз помада остидан блеск суртилса, лаб атласдек товланади. Лабингиз табиий кўринишини истасангиз, уни бармоқ ёрдамида суртинг.

Бобби Браун, Bobbie Brown бренди асосчиси:

19. Тонал кремнинг тери рангига мосини танлаётганда уни пешонага суртиб кўринг. Тонал кремни фақат юзга суртинг ва тўғрилаш учун пудрадан фойдаланинг.

20. Тонгда кўз атрофига ва юқори қовоққа крем суртманг.