Совуқ об-ҳавода тўғри макияж қилиш бўйича 5 та қоида

Совуқ мавсум ҳар доим тери учун катта стрессни келтириб чиқаради. Муаммо нафақат паст ҳароратларда, балки терининг асосий душмани бўлган иситиш тизимида ҳамдир. Иситкичлар хона ҳавосини қуритиб юборади, бу дарҳол терининг ҳолатига таъсир қилади. Терида дарҳол кўчиш ва қизариш пайдо бўлади.

Қишда терини яхши ҳолатда сақлаш учун нафақат тўғри парвариш қилиш, балки макияж ҳам муҳимдир. The Symbol нашри қишда терини тўғри макияж қилишга оид 5 та қоида билан таништирди.

Лабларни фаол равишда намлаш

Совуқ об-ҳаво лаблар терисига кучли таъсир қилади, эҳтимол, буни ҳар бир киши ўз тажрибасида бир неча марта кўрган. Қишда, кундалик парваришда лаблар учун намлантирувчи бальзам ва ниқобларни қўллашга одатланиш керак. Улардан нафақат кечаси, балки кундузи уйдан чиқишда ҳам фойдаланиш мумкин. Ташқарига чиқишдан олдин ёғ ва витамин Э билан озиқлантирувчи гигиеник лаб бўёғини ишлатиш жуда ҳам муҳим. Лекин блесклар совуқ об-ҳаво учун яхши танлов эмас, уларнинг таркибида кўп суюқлик бўлгани учун лаблар совқотиши мумкин.

Қуруқ текстуралардан сақланиш

Қишки макияжнинг яна бир муҳим қоидаси — қуруқ таркибли воситаларни рад этиш. Тен, румяна каби воситаларни крем билан алмаштириш совуқдан қўшимча ҳимоя қилади, терида қизариш хусусияти келтириб чиқариши эҳтимоли камаяди.

Сувга асосланган тональ кремлардан фойдаланмаслик

Ёз мавсумида сувга асосланган тональ кремларидан фаол фойдаланиш мумкин, аммо бу совуқ мавсум учун мос эмас. Таркибдаги кўп сув терини қуритади ва унинг ёрилишини келтириб чиқаради. Қишда озиқлантирувчи моддаларга бой бўлган маҳсулотлардан фойдаланиш тавсия этилади.

Тушдан фойдаланишда эҳтиёт бўлиш 

Агар ташқарида қор ёға бошласа, оддий туш бир зумда суркалиб кетади. Бундай вақтда сув ўтказмайдиган туридан фойдаланиш яхшироқ. Бундай тушлар фақат илиқ сув билан осонгина ювилади, аммо қор унга ҳеч қандай таъсир ўтказмайди.

Макияжни тозалаш учун юмшоқ воситалардан фойдаланиш

Терини қуритиб юбормаслик учун қишда бўянишни фидрофил мойи билан ювиш тавсия этилади. Бу нафақат косметикани осонликча эритади, балки терини қўшимча парвариш билан ҳам таъминлайди. Агар макияжни тозалаш учун мицеляр сувдан фойдалансангиз, таркибида Э витамини бўлганига устунлик бериш керак. Макияжни тозалагандан кейин тоник қўллашни унутмаслик керак.