Ёзда энг долзарб муаммолардан бири пардоз хавфсизлиги масаласидир — ҳарорат қанчалик иссиқ бўлса, макияж туриши шунчалик қийин бўлади.
Яхши тайёрланган тери
Макияжда асосий нарса терини қандай тайёрлашдир. Бу визажистлар амал қиладиган биринчи қоида, бунинг ёрдамида пардоз узоқ вақт сақланади, чунки тўғри тайёрланган терида макияж кўпроқ туради ва оқиб кетмайди.
Тўғри макияж
Терига яхши сингиши учун пардоз ҳам тўғри бажарилиши керак — аввал праймер, кейин тональ крем суртинг, сўнгра қолган косметикани қўлланг. Макияжни тугатиш ҳам терини унга тайёрлаш каби муҳим. Косметиканинг чидамлилигини оширадиган фиксатор спрейи билан пардозни тугатиш тавсия қилинади.
Бюти-блендер ва консилер
Бу икки нарса ҳар доим сумкангизда бўлиши керак. Агар тўсатдан юзда қизариш, ажинлар ёки бошқа нуқсонлар пайдо бўлса, уларни консилер билан ретуш қилиш мумкин. Макияж табиий кўринишга эга бўлиши учун консилерни қўллаш учун намланган бюти-блендердан фойдаланган маъқул — уни озгина сув билан намлаш ва сочиқ ёки салфатка билан сиқиш керак.
Тетиклантирувчи спрей
Юзингизни бироз тетиклаштириш учун термал сув пуркашингиз мумкин. Бу юз қичимаслиги ва терининг pH даражасини нормаллаштиришга ёрдам беради. Юзингиз дам олган ва намланган кўринади. Макияж кўроқ туриши учун термал сув билан бирга спрей ҳам ишлатилиш мумкин ва иссиқ ҳавода юзингизни намлаш жуда ёқимли бўлади.
Уваланадиган пудра
Пудра — универсал косметик маҳсулоти бўлиб, макияжни янгилашда энг яхши ёрдамчи ҳисобланади. Уваланадиган пудра енгил ва табиий пардоз яратади, шунинг учун юздаги камчиликларни яширмайди, бундай ҳолда консилердан фойдаланфан маъқул. Лекин бундай пудра ёрдамида юздаги ёғли ялтирашни осонгина яшириш мумкин.
Румяна
Агар кун давомида чарчаган бўлсангиз, юзингиз хиралашган ва оқариб кетган бўлса, румянангизни янгиланг. Шу тарзда чарчоқни яширишингиз, ёрқинроқ кўринишингиз мумкин. Қўллашга кўп вақт сарфламаслик учун табассум қилинг ва чўтканинг енгил ҳаракатлари билан ёноқ суякларига румяна суртинг. Асосийси, ҳаддан ошиб кетмасин, акс ҳолда бутун образ бузилиши мумкин.
Изоҳ (0)