Юлдузларнинг жозибадор кўриниши ортида нафақат косметологлар ва кўплаб стилист жамоаларининг машаққатли меҳнати, балки уларнинг шахсий лайфхаклари ҳам бор. Улардан қайси бири фойдалнишга арзиши ҳақида Marie Claire нашри маълумот беради.
Лив Тейлер: «макияжсиз пардоз» учун атиргул суви
Ливнинг табиий пардоз учун энг севимли маҳсулоти — атиргул суви. Юлдуз авввалига юзига тональ крем, румяна, шаффоф пудра суртади, кейин эса юзига атиргул сувини сепади. Шундан сўнг актриса бир неча сония давомида юзига қуруқ салфетка қўяди. Натижада унчалик билинмайдиган янги, табиий макияж ҳосил бўлади.
Косметик восита: Aasha Herbals атиргул суви спрейи
Гвен Стефани: лаб бўяшда рангларни аралаштириш
Гвен — макияж ҳақида гап кетганда, энг жасур тажриба қилувчилардан бири. Юлдузнинг ўзига хос пардози лаб бўёғи ва блескнинг турли хил рангларини аралаштириш натижасида пайдо бўлади. Биринчи навбатда, қўшиқчи жилосиз рангдан фойдаланади, унинг устидан бошқа лаб бўёғи ёки ўзига ёққан блескни суртади.
Косметик восита: L’Etoile’нинг Dual Bite Lipstick Perfectly ombre липс лаб бўёғи
Эва Мендес: бронзер ва намловчи восита
Эва Мендеснинг ёз қуёшида тобланган тери ранги ортида оддий гўзаллик сири бор: терига энг табиий, бир хил ранг бериш учун бронзани намлантирувчи крем билан биргаликда қўллайди.
Косметик восита: Dolce&Gabbana’дан Solar Glow универсал суюқ бронзери
Гвинет Пелтроу: юз учун енгил мойлар
Гвинет мухлислари унинг омега-3 билан бойитилган енгил мойларига бўлган иштиёқи ҳақида узоқ вақтдан бери билишади. Актриса учун уларнинг қўлланилиши чинакам завқ манбаи, энг ёқимли одатларидан биридир. Юлдузнинг таъкидлашича, енгил ёғлар унинг терисига ўзига хос қулайлик беради ва терини парвариш қилиш воситаларининг ўрнини босади.
Косметик восита: Guerlain’дан Abeille Royalэ қаришга қарши мойи
Изоҳ (0)