Косметик маҳсулотларнинг баъзилари зарарли ёки бутунлай фойдасиз бўлиши мумкин. Marie Claire нашри косметик воситаларнинг қайсиларини кўп ишлатиш керак эмаслиги ҳақида маълумот беради.
Лаб учун бальзам
Косметик сумкангиздаги энг зарарсиз маҳсулотлардан бири қарамликка олиб келиши мумкин. Бальзамнинг мазали аромати ҳақида гапирмаяпмиз. Гап шундаки, лаблар териси биз ўйлаганчалик сезгир эмас ва об-ҳаво шароитларига яхши мослашади. Шунинг учун гигиенани доимий равишда қўллашнинг ҳожати йўқ, кунига бир неча марта етарли.
Бундан ташқари, бальзамлар намликнинг буғланишига тўсқинлик қилувчи плёнка ҳосил қилади. Шу сабабли агар доимо лабларингизга гигиеник воситаларни қўлласангиз, яралар жуда секин даволаниши мумкин. Бунинг ўрнига бальзамни камроқ қўллаш ва лабларни қуритмайдиган алкоголсиз ва ментолсиз воситаларни танлашдир.
Қалин тональ крем
Сабаби тональ крем таркибидаги силиконлар ва жуда зич тузилиш. Ҳа, бундай кремлар барча камчиликларни яширади, лекин айни пайтда улар тери устида плёнка ҳосил қилади. Бундай тональ кремлардан кечки макияж учун фойдаланган маъқул.
Кундалик фойдаланиш учун тинт ёки флюид форматидаги енгил тональ кремлар мос келади. Яна бир вариант — BB ва CC кремлари, улар терини қўшимча равишда намлайди ва табиийроқ кўринади. Консиллер ва корректор эса юздаги қизаришларни яширишга ёрдам беради.
Соч учун ёғлар
Қуруқ сочларга суртилиши керак бўлган ёғлар сочларга зарар етказмайди, лекин уларнинг фойдаси жуда кам. Гап шундаки, бундай мойлар соч илдизига кирмайди, фақат сочларни бир-бирига ёпиштиради, бу эса сочларни тартибли кўринишга олиб келади.
Ҳафтада бир марта намловчи ёки озиқлантирувчи ниқоб тайёрланг: улар таркибида сочларга кириб борадиган ёғлар мавжуд. Шампуньдан кейин кондиционер, шунингдек, ювилмайдиган парвариш воситаси ҳақида унутманг.
Қуруқ шампунь
Сочни ювишга улгурмаган пайтда қуруқ шампунь жонга оро киради. Бироқ бу маҳсулот доимо фойдаланиш учун мўлжалланмаган: шампунь зарралари тўпланиб, яллиғланиш, синиш ёки қуруқлашишга олиб келади. Қуруқ шампунни ҳафтада 1-2 марта ишлатган маъқул.
Сув ўтказмайдиган туш
Бундай туш қор ёғганда ёки йиғлаганда оқиб кетмайди. Бироқ уни ювиш ҳақиқий муаммодир. Агар бундай тушни оддий мицеллар ёки ювиниш гели билан ювишга ҳаракат қилсангиз, кўзингизни узоқ вақт ишқалашингиз керак бўлади. Ва бу кирпикларга ҳам, кўз атрофидаги нозик терига ҳам зарар етказади. Сув ўтказмайдиган формулани гидрофилик мойлар ва бальзамлар билан ювиш мумкин.
Кундалик макияж учун оддийсини ёки илиқ сув билан ювиладиган, сезгир кўзларга мос келадиган термал тушларни танланг.
Изоҳ (0)