Терининг гўзал ва соғлом бўлиши учун уни тўғри парвариш қилишдан ташқари, косметик воситалардан ҳам эҳтиёт бўлиб фойдаланиш керак. Негаки, яроқлилик муддати тугаган крем ёки бўёқлар гўзаллик учун хавфли бўлиши мумкин.
Терини парвариш қилиш қиладиган воситалар
Баъзи воситалар фойдалангандан кейин терида пайдо бўлган ўзгариш кейинроқ тананинг ўзида ҳам юз бериши мумкинлигини унутманг. Қолаверса, табиий компонентлар айниб қолган бўлса, терини парваришлашингиз ҳам бекор бўлади. Шу сабаб ҳар доим крем ёки бошқа воситаларнинг ёрлиғи билан танишиш керак. Устида 6М ёки 12М деган ёзувнинг бўлиши очилганидан кейин шунча ой давомида ушбу маҳсулотни ишлатиш хавфсиз эканини билдиради. Яроқлилик муддати тугагунига қадар эса воситани ишлатиб, тугатиш керак. Шу сабаб ҳам маҳсулотни очган вақтингизни белгилаб қўйинг. Маҳсулот банкада бўлса, махсус таёқча ёки пахтали диск ишлатинг. Иложи бўлмаса, бармоқларингизни солмаганингиз яхши. Суртгандан кейин тери қичиса ёки бошқа ўзгариш кузатилса, юзингизни ювиб ташланг. Ҳиди ёки ранги ўзгарган воситаларни эса фойдаланмасдан ташлаб юборинг.
Тональ крем ва консиллер
Тональ крем ва консиллерларни бир йил ичида ишлатиб тугатиш керак. Флаконига қараганингизда ранги ўзгарган бўлса, ёғи ажралиб юзага чиқиб қолган, консистенсия суюқлашган бўлса, ундан фойдаланишни бас қилган яхши.
Румяна ва бронзерлар
Бу каби воситалар 2 йил хизмат қилишининг сабаби — сув йўқлиги билан боғлиқ. Имкони борича ўсимлик экстракти — алой, кўк чой ва мойчечак асосида тайёрланган вариантларни харид қилинг. Тональ крем устидан румяна ва бронзернинг пудрали вариантини сурцангиз, бир-бирига мос келмай қолади, бу ҳам етмагандек, чўтканинг толалари ёпишиб қолиши мумкин.
Туш
Вақти-вақти билан суртилган туш 6 ойга, канда қилмасдан суртилгани эса 3 ойга етади. Аммо тушнинг идиши бактериялар тўпланиши учун айни муддао эканлигини эсдан чиқармаслик керак. Бразилияда ўтказилган тадқиқотда аёллар билан боғлиқ вазиятни таҳлил қилиш мақсадида олинган 79 фоиз намуна гўзаллик воситадан ҳам кўра бактериал муҳитни эслатиши аниқланган. Шу сабаб ҳам муддати ўтган тушдан ортиқча фойдаланмаган яхши.
Подводка
Подводканинг идиши ҳам худди тушники сингари бактериялар тўпланиши учун қулай муҳит бўлиши мумкин. Яроқлилик муддати 4 ойни ташкил қилади, лекин оқиш нарсаларнинг пайдо бўлиши, уни алмаштириш вақти келганини билдиради.
Помада ва блеск
Помада ва блесклардан 2 йил фойдаланиш мумкин. Лабларга текис суртилмаслиги ва ҳаддан ортиқ қуруқ бўлиб қолгани помададан фойдаланиш вақти тугаганини билдиради.
Макияж чўткаси
Тўғри фойдаланилган макияж чўткаси 5-7 йил хизмат қилиши мумкин. Толалари тўкилишни бошлагани эса яроқсизга айланганини билдиради. Анча фойдаланишни истасангиз, уни икки ҳафтада бир марта совунли сувда ювиш керак. Ҳар сафар ишлатгандан кейин эса тозалашни эсдан чиқармаслик керак.
Изоҳ (0)