Тери ҳолатини яхшилашнинг энг тез ва осон усули

Гўзалликка сармоя киритиш ҳеч қачон кеч эмас ва у ҳар доим фойдалидир. Қимматбаҳо маҳсулотларнинг бутун ассортиментини сотиб олиш, косметолог билан мунтазам муолажалар ўтказиш ёки тоза ҳавога саёҳат уюштириш мумкин. Ҳа, гўзаллик қурбонликни талаб қилади ва бу сизнинг қимматли вақтингиздир. Marie Claire нашри тери ҳолатини чиройли қилишнинг энг тез ва осон усули билан бўлишди.

Совуқ сув

Сув — бу ҳаёт, қанчалик арзимас туйилмасин ёшлик ва соғлиқ гарови. Совуқ сув дермис учун айниқса қимматлидир. Тери билан алоқа қилганда, қон айланишининг интенсивлигини оширади, шишни камайтиради ва тонусини яхшилайди. Куннинг бошида юзни совуқ сув билан ювишни мажбурий рўйхатга қўшиш тавсия этилади.

Яна бири — лимонли сув. Кечаси ётишдан олдин бир стакан сув ичиш намланган терига йўл очади. Лимонли сув уйқу вақтида фаол ишлайди, кун давомида терида тўпланган токсинларни тозалайди. Бу орқали эрталаб терини макияж учун тайёрлашга камроқ вақт сарфлаш мумкин. Нонуштадан аввал бир стакан бу суюқликдан ичиш ҳам зарар қилмайди: метаболизмни кучайтиради, яъни терининг соғлом ҳолатини қўллаб-қувватлайди.

Кўп функцияли косметика

Образнинг гўзаллигини эмас, балки дақиқаларни тежаш ажойиб усулдир. Кўпинча керакли маҳсулотни сумкада йиғиш учун вақт етарли бўлмайди. Кўп вазифали косметика ишлаб чиқарувчилар замонавий аёлнинг ташвишларини мукаммал тарзда қамраб олади. Аммо уларнинг ҳаммасини сотиб олишнинг кераги йўқ. Сабаби терини табиий равишда гўзаллаштириш орқали косметик маҳсулотларга мурожаат қилмаслик ҳам мумкин.

Спорт

Бу ҳар кунги штангалар, оғир тош ва бодибил қийноқлари ҳақида эмас. Соғлом кўринишни сақлаб қолиш учун енгил гимнастика машқлари, ёга ёки югуриш билан шуғулланиш кифоя. Бу маълум вақт талаб қилиши мумкин, аммо натижаси аниқ бўлади. Албатта, тональ крем ​​кўплаб тери камчиликларини яшириши мумкин, аммо уларни енгишга қодир эмас.

Югуриш

Югуриш жараёнида қон айланиши кучаяди, тўқима ва органларга кўпроқ кислород боради, бу эса дермисни фаол равишда тўйинтиришни бошлайди. Бу регенератив жараёнларнинг бошланишига ва терининг асосий қурувчиси бўлган коллагеннинг интенсив ишлаб чиқарилишига олиб келади.

Ёга

Ёга билан дўстлашиш орқали организмдаги кўплаб муаммолардан халос бўлиш мумкин. Баъзи машқлар овқат ҳазм қилиш трактининг ишига ижобий таъсир кўрсатади, уларнинг фаолияти асосан терининг соғлиғини аниқлайди. Шунингдек, ёга организмда энергия балансини нормаллаштиришга ёрдам беради.

Тери массажи

Мунтазам массаж юз мушакларини рағбатлантиради ва тери ҳужайраларига имкон қадар кўпроқ кислород етказиб беради. Бошқача айтганда, у сезиларли даражада қаришга қарши таъсирга эга.

Коллаген ишлаб чиқариш кучаяди ва у билан терининг ранги яхшиланади. Муаммоли жойларда енгил босим билан юмшоқ думалоқ ҳаракатларда сиворотка ёки намловчи воситани қўллаш тавсия этилади. Юз массажини амалга ошириш орқали маҳсулот терига осон ва чуқурроқ кириб боради.

Сауна

Эҳтимол, бу ҳам гўзалликни сақлаб қолишнинг энг ёқимли усулидир. Кўп терлаш ва қуруқ сауна ҳавоси теридаги токсинларни тўлиқ чиқариб ташлашга ёрдам беради. Махсус чўтка эса ўлик ҳужайраларнинг қўшимча қатламидан халос қилади.

Сифатли уйқу

Уйқудан ҳам имкон қадар кўпроқ нарса олиш мумкин, шу жумладан гўзаллик учун ҳам. Саккиз соат давом этадиган сифатли уйқуда ҳам инсон организми, айниқса териси учун муҳим бўлган жараёнлар юз беради.

Ипак ёки шойи ёстиқ жилди

Ипак тери ва умуман саломатлик учун зарур бўлган бир қатор табиий оқсиллар ҳамда 18 та аминокислоталарни ўз ичига олади ва бу материалларда ухлаш ёноқлардаги ёқимсиз белгилардан халос қилади. Қолаверса, ипак, атлас мато сочлар ўртасида минимал ишқаланиш ҳосил қилади ва уларнинг шикастланишини камайтиради.

Сочларни турмаклаган ҳолда ухлаш

Сочларни ёйиб ухлаш тонггача уларнинг синишига олиб келиши мумкин. Соч юзасида бактерия ва кир ҳам тўпланади, улар уйқу пайтида тери ҳужайраларига хавфсиз етиб бориши ва ҳуснбузарлар ривожланишига олиб келиши мумкин.