Деярли ҳар бир аёлнинг косметик сумкасида упа бор ва ундан фойдаланмасдан кўчага чиқмайди. Бироқ кўпчилик упани қандай қилиб тўғри ишлатишни билмайди ва бу бир қарашда кўринадиган даражада осон иш ҳам эмас. «Новий очаг» нашри упадан фойдаланишда йўл қўйиладиган хатоларни санаб ўтди.
Макияждан олдин упа суртиш
Макияж қилишдан олдин юзга енгил упа суртиш кераклиги ҳақида янглиш фикр бор. Лекин бўянишдан олдин терига упа суртишнинг ҳожати йўқ. Бу билан фақат тескари таъсирга эришиш мумкин. Упа қатлами устидан қилинган макияж туфайли тери нафас олмайди ва юз ялтираб кўринишни бошлайди. Шунинг учун макияждан аввал оддий намлантирувчи ва тональ крем суртиш тавсия этилади. Упани эса макияж якунида қўллаш мумкин.
Макияж тугаганидан сўнг дарҳол упа суртиш
Агар суратга тушишдан олдин визажистларнинг қандай ишлашини кўрган бўлсангиз, улар макияжни тугатганидан сўнг дарҳол бутун юзга упа суртади. Аммо профессионал моделлар бўяниш учун максимал бир неча соат вақт сарфлайди ва шунга қарамай, уларнинг макияжи доимий равишда тузатилади. Визажистлар кўп миқдордаги упани фақат битта мақсадда — юз камера олдида ялтирамаслиги учун ишлатади. Кундалик макияжда ҳаммаси бошқача: упа қатлами барча камчиликларни таъкидлайди ва кичик мимик ажинлар дарҳол сезилади. Упани эса бўянишни тугатгандан сўнг, тери барча воситаларни қабул қилгандан кейин суртиш лозим. Том маънода 5-10 дақиқа кутилади, кейин юз салфетка билан енгил артилади, бунда ортиқча тонал маҳсулотлари чиқади. Шундан кейингина упани қўллаш мумкин.
Терининг ёғли жойларига упа қўллаш
Кун давомида бурун ёки пешона соҳаси ёғ ажралиши туфайли ялтираши мумкин. Буни аксарият аёллар упа билан яширади. Ярим соатдан кейин тери яна ялтирайди. Шундан сўнг ҳуснбузарлар қандай пайдо бўлишига ҳайрон бўлмаслик керак. Бунинг учун дастлаб керакли соҳадги ёғдан халос бўлиш лозим. Албатта, салфетка ёки ҳеч бўлмаганда қоғоз рўмолча керак бўлади. Юз яхшилаб қуритилади ва шундан сўнг упа суртиш мумкин. Эффект бир неча соат давом этади ва тери тешикларни зарарланмайди.
Нотўғри ранг упа танлаш
Упанинг ранги тональ крем ёки тери рангидан очроқ бўлиши керак. Айнан шу нарса табиий кўриниш ва юзни янгилаш имконини беради. Ҳар бир аёл учун энг яхши вариант пушти-қааймоқ ранг упадир, аммо уни пешона ва бурунга эҳтиёткорлик билан қўллаш керак. Умуман олганда упалар рангини ҳар ким ўз терисининг рангидан келиб чиқиб танлайди. Акс ҳолда ёш ва гўзал кўриниш учун суртилган упа юздаги барча камчиликларни яққол кўрсатиб қўйиши мумкин. Шунингдек, упани тери рангини оқартириш учун суртмаслик керак. Борди-ю, ранг мос келмаса, гўёки юзга ун суртиб олгандек туйилади.
Упани қўллашда ювилмаган губкадан фойдаланиш
Деярли ҳамма упани янгилашга аҳамият берса-да, аммо уни қўллаш учун чўтка ёки губкага эътиборсиз бўлади. Баъзида улар йиллар давомида очиқ ҳолатда ишлатилади. Афсуски, юз билан тўғридан-тўғри алоқага киришадиган ушбу воситалар терида яллиғланиш, тошма ва ҳуснбузарлар тошишига замин яратади. Вазият жиддийлашмаслиги учун упа билан биргаликда ушбу воситаларни ҳам вақти-вақти билан янгилаш, ювиш ва махсус идиш ёки пакетларда сақлаш тавсия этилади.
Изоҳ (0)