“Сарой жавоҳири” сериали қаҳрамонлари 22 йил ичида қанчалик ўзгарган?

“Сарой жавоҳири” ўзбек томошабинлари томонидан катта қизиқиш билан томоша қилинган корейс сериалларидан бири. Ушбу сериал бутун дунё бўйлаб муваффақиятга эришди: уни намойиш қилиш ҳуқуқини 91 та мамлакат сотиб олди.

“Сарой жавоҳири” ёки “Те Чан Гим” номи билан ҳам танилган сериал 2003 йилда Жанубий Кореяда эфирга узатилди. Сериал бутун дунё бўйлаб муваффақиятга эришди: уни намойиш қилиш ҳуқуқини 91 та мамлакат сотиб олди. Сюжет ҳақиқий воқеаларга асосланганидан ташқари, сериалнинг муваффақияти актёрларнинг ажойиб ўйинида намоён бўлади, хусусан, актриса Ли Ён Э ва актёр Жи Жин Хиларнинг ижроси кўпчиликнинг қалбидан жой олган. Кореянинг Чосон сулоласи шоҳининг биринчи аёл шифокори ҳақида ҳикоя қилувчи сериал эфирга узатилганидан 22 йил ўтди.

Ли Ён Э (Тангем) Чан Гим ролини ўйнайди

Шоҳ ошпази лавозимидан муваффақиятли биринчи аёл шифокор бўлган Со Чан Гим (Тангем) образини Ли Ён Э ажойиб тарзда ижро этди. Бироқ “Сарой жавоҳири” сериалида суратга тушгандан кейин унинг карьерасида танаффус даври бошланди. 2009 йилда у тадбиркорга турмушга чиқди ва эгизак фарзандларни дунёга келтирди. Ҳозирда 54 ёшли актриса “Саймдан, ёруғлик кундалиги” сериалида бош ролни ўйнаб яна ижодга қайтди.

Жи Жин Хи — Мин Чон Хо ролини ўйнайди

Сарой ходими, Тангемга ошиқ бўлган Мин Чон Хо ролини актёр Жи Жин Хи ижро этади. Ушбу сериалнинг муваффақиятидан ташқари, 2010 йилда у “Дон И” сериалидаги роли билан яна бир бор шуҳрат чўққисига чиқди. Ҳозиргача у сон-саноқсиз сериал ва бадиий фильмларда рол ўйнади.

Хон Ри На — Чхве Гим Ён ролини ўйнайди

Сериалда Мин Чон Хо томонидан севгиси рад этилгани сабабли муносабатлари ёмонлашиб кетган, катта амбицияларга эга бўлган хоним Чхве Гим Ён ролини Хон Ри На ўйнайди. Ҳозирда 57 ёшли аёл ижод дунёсида фаол эмас. Унинг сўнгги марта “Уч хотин” (2004) сериалида рол ижро этган.

Қирол Чонжон ролини Им Хо ўйнайди

27 январь 1970 йилда туғилган актёр Тангемга ошиқ бўлган қирол Чонжон ролини ўйнайди. 1996 йилда дебют қилган актёр ҳозиргача ўнлаб драматик сериалда рол ўйнаган. У шунингдек, мусиқий саҳнада ҳам фаол.

Янг Ми Кёнг — Хан хоним ролини ўйнайди

Зукко Хан хоним ролини Янг Ми Кёнг ўйнайди. 64 ёшли актриса Жанубий Кореянинг кино дунёсида ҳали ҳам фаол. Актрисалик фаолиятидан ташқари, 2011 йилда у Nagasakш Veslian университетида профессор бўлиб ишлаган ва ҳозирда Индук университетида эфирга узатиш ва кўнгилочар кўрсатувлар бўйича таълим беради.

Чхой хоним ролини Кюн Мири ўйнайди

Бойлик ва ҳокимиятга муҳаббат қўйган хоним Чхве ролини актриса Кюн Мири аъло даражада ўйнайди. 60 ёшида Кюн Мири турли хил сериалларда фаол суратга тушишни давом эттирмоқда. У 2014 йилнинг энг машҳур сериали “Оилам билан нима бўлди?”сериалида ҳам рол ўйнаган. У шунингдек, ажойиб актрисалар Ли Ю Би ва Ли Да Иннинг онаси ҳамдир.

Ли Ён Сен ролини Пак Ин Хе ўйнайди

Пак Ин Хе Тангемнинг болаликдаги дўсти Ли Ён Сен ролини ўйнайди. Ушбу сериал туфайли у шуҳрат қозонди. 47 ёшли актриса ҳали ҳам сериал ва кўнгилочар шоуларида фаол суратга тушмоқда. У шунингдек, турмушга чиққан ва Ли Ён Э каби эгизак фарзандларга эга.

Хан Жи Мин—Шин Би ролини ўйнайди

Тангемнинг тиббиёт соҳасидаги ҳамкасби Шин Би образини Хан Жи Мин ўйнайди. Ушбу сериалдаги кичик ролдан кейин Хан Жи Миннинг номи тез суръатлар билан ўсиб борди. Ҳозирда у Жанубий Кореянинг энг етакчи актрисаларидан бири. У шунингдек, 2012 йилда “Томдан тушган шаҳзода” ва 2015 йилда Хён Бин билан биргаликда “Яширин, Жекйлл ва мен” машҳур сериалида рол ўйнаган.