“Калмар ўйини” фильмидаги роли учун “Олтин глобус” мукофоти совриндори бўлган О Ён Су Жанубий Кореянинг Сувон шаҳри прокуратураси томонидан бир аёлга жинсий зўравонликда қилганликда айбланиб, унга бир йиллик қамоқ жазоси тайинланди. Бу ҳақда Korrespondent.net хабар берди.
Маълум қилинишича, 80 ёшли актёр 2022 йилнинг ноябри ойида суратга олиш жамоасидаги ёш аёлга тегажоғлик қилган. Жабрланганнинг сўзларига кўра, О Ён Су уни қучоқлаб, юзидан ўпган, буларнинг барчаси унинг хоҳишига қарши содир бўлган. Мазкур ҳолат 2017 йилнинг август сентябрь ойларида бўлиб ўтган. Бу вақтда О Ён Су икки ойлик сафарда бўлган.
Актёр бундай айблов ҳақиқатдан йироқ эканлигини таъкидлади ва аёлнинг қўлини худди оталардек меҳрибонлик қилиш учун ушлаганини оммага тушунтирди.
“Ёшим бир жойга етганда уятли иш учун қамоққа ҳукм қилинганимдан ўзимни жуда ноқулай ҳис қиляпман. Худди бутун ҳаётим барбод бўлаётгандек гўё. Афсус, мисқоллаб йиғган обрўйим бир кунда сароб бўлди”, дейди О Ён Су.
Daily Star хабар беришича, дастлаб суд актёрга икки йиллик синов муддати билан 8 ой қамоқ жазоси белгилаган, аммо кейинчалик қарорни қайта кўриб чиқиб, ҳозирда унга бир йил қамоқда қолиши буюрилган.
Прокурорлар айтишича, театрда 50 йиллик тажрибага эга бўлган актёр ўз обрўсидан фойдаланган ҳолда, гуруҳдаги тажрибасиз ва сўзлари ўтмайдиган ёш аёлга тажовуз қилган. Қурбон ҳам ишда, ҳам шахсий ҳаётида доимий қўрқув ва босимни ҳис қилиб яшаган.
Аввалроқ Жанубий Кореянинг Сувон шаҳри прокуратураси суддан О Ён Суни жинсий зўравонлик иши бўйича бир йиллик қамоқ жазосига ҳукм қилишни сўраган эди.
О Ён Су “Калмар ўйини” фильмида танилишидан аввал театр соҳасида фаолият олиб борар эди. У “Калмар ўйини” фильмидаги роли учун “Олтин глобус” га сазовор бўлган.
Изоҳ (0)