АҚШ табиатни муҳофаза қилиш тадқиқот маркази хабар беришича, Канзи лақабли 44 ёшли бонобо (шимпанзе тури) ҳаётдан кўз юмди. Маймун ўзининг ноёб когнитив қобилиятлари билан машҳур эди.
Дунёдаги энг ақлли маймун Канзи 300 дан ортиқ ибораларни тушунар, лексиграм белгилари, имо-ишоралар ёрдамида мулоқот қилар ва ҳатто Pacman ва Minecraft каби видеоўйинларни ўйнай олар эди.
“Канзи кўплаб одамлар учун катта аҳамиятга эга эди. Марказимизнинг тадқиқотчилар жамоаси унинг ўлимидан чуқур қайғудамиз. У ўз оиласининг севимли аъзоси ва барчамизнинг дўстимиз эди”, дейилади Ape Initiative баёнотида.
Ўтган ҳафтада ходимлар шимпанзени жонсиз ҳолатда топишди:
“Ўша куни у ўзини яхши ҳис қилган эди ва унда ҳеч қандай касаллик аломатлари ҳам йўқ эди. Ҳозирда мутахассисларимиз шимпанзе ўлимининг сабабини аниқлаш учун тест натижаларини кутишмоқда. Бундан аввал Канзи юрак хасталигидан даволанаётган эди, лекин мунтазам равишда ЭКГ текширувидан ўтар ва қон босими кузатиб борилар эди”, дейилади хабарда.
Маълумот учун, Канзи лақабли маймун 1980 йилда туғилган ва ёшлигидан олимларнинг онасига белгилар тилини ўргатаётганини кузатиб катта бўлган. Маълум вақтдан сўнг, маймун ҳеч қандай ёрдам ва ўқувларсиз лексиграммалардан фойдалана бошлаган ва тўғридан тўғри таълим олмай, янги тилни табиий равишда ўзлаштирган биринчи маймунга айланган. Дастлаб у ўнта сўзни тушуна бошлаган, сўнг унинг сўз бойлиги кенгайиб, 300 та сўзга етган.
Изоҳ (0)