Организмда айрим витамин ва минералларнинг етишмовчилиги сизнинг саломатлигингиз ва ташқи кўринишингизга салбий таъсир этиши мумкин. Бу муҳим белгиларни ўтказиб юборманг.
Инсоннинг темир эҳтиёжи ёш, жинс ва турмуш тарзи каби кўплаб омилларга боғлиқ. 50 ёшгача бўлган соғлом катталар учун кунлик тавсия этилган доза эркаклар учун 10 мг, аёллар учун эса 15 мгни ташкил этади.
Қуйидаги белгилар сизни огоҳлантириши керак:
* Соч тўкилиши: Одатда, соч тўкилиши организмда темир етишмовчилигининг дастлабки белгиларидан биридир. Агар тароқда ғайриоддий кўп миқдорда сочларни кўрсангиз, бу тиббий кўрикка бориш учун сабаб бўлиши мумкин.
* Чарчоқ: Ҳатто етарлича ухласангиз ҳам, ўзингизни чарчагандек ҳис қилаётган бўлсангиз, бу темир етишмовчилигининг белгиси бўлиши мумкин. Бу ҳужайраларнинг кислород билан етарлича таъминланмаслиги туфайли юз беради.
* Терининг рангсизланиши: Агар терингиз одатдагидан рангсизроқ бўлиб қолган бўлса, бу темир етишмовчилигининг яна бир белгиси бўлиши мумкин. Бу қон ҳужайраларининг миқдори камайиши туфайли терининг рангсизланишига олиб келади.
* Бош оғриғи: Агар бу белги хотиранинг сусайиши ва концентрация билан боғлиқ муаммолар билан бирга кузатилса, албатта, буни текширтириб, витамин қабул қилишни бошлашингиз керак.
* Бош айланиши: Организмда темир етишмовчилиги туфайли ҳужайраларнинг кислород билан етарлича таъминланмаслиги натижасида, масалан, стулдан турсангиз, бошингиз тез-тез айланиши мумкин.
* Юрак уришининг тезлашуви: Темир етишмовчилиги туфайли организм ҳужайраларни кислород билан етарлича таъминлай олмагани учун, буни юрак уришининг тезлашуви орқали компенсация қилади.
* Нафас қисиши: Худди шу сабаблар туфайли организм ҳужайралардаги кислород етишмовчилигини енгиш учун кўпроқ нафас олишга ҳаракат қилади.
Агар ўзингизда бу белгиларни сезсангиз, шифокор билан маслаҳатлашишни кечиктирманг, у сизга зарур таҳлилларни тайинлайди ва муаммони ҳал қилишда ёрдам беради.
Агар сизда темир етишмовчилиги аниқланса, витамин қабул қилишдан ташқари, рационингизга темир миқдори юқори бўлган маҳсулотларни ҳам қўшишингиз мумкин. Мана шу маҳсулотлардан баъзилари:
* Темир билан бой маҳсулотлари:
* Сигир гўшти жигари;
* Бодом;
* Кешю;
* Қўзиқорин;
* Сули ёрмаси;
* Ўрик қоқиси;
* Қовун уруғи;
* Қуритилган узум;
* Тофу;
* Исмалоқ.
Изоҳ (0)