Американинг Висконсин штатида яшовчи тўрт ёшли бола унинг музқаймоғини еб қўйган онасидан қаттиқ хафа бўлди ва унинг устидан полицияга шикоят қилди, деб ёзади “Правила жизни”.
Бола 911 рақамига қўнғироқ қилиб, онасининг қилмиши учун қамоққа олиб кетишларини сўраган:
“Онам бугун ўзини яхши тутмаяпти”, деган у диспетчерга.
Сўнг аёлнинг ўзи гўшакни олиб, ҳақиқатдан ўғлининг музқаймоғини еганини тушунтирди. Бола эса ўз позициясини ҳимоя қилишни давом этди ва қаттиқ хафа эканлигини такрорлади. Кейинроқ полициячилар уларнинг уйига келиб, бола ҳақиқатан ҳам музқаймоқ сабабли полицияга қўнғироқ қилганми ёки йўқлигини аниқлашди.
Офицерлар билан суҳбатлашгандан сўнг, бола фақат музқаймоқ егиси келганини айтиб, онасига ҳеч қандай айблов қўймасликка рози бўлди. Икки кундан кейин полиция унинг илтимосини бажарди ва унга иккита музқаймоқ совға қилди.
Изоҳ (0)