Швейцариялик сиёсатчи Марк Жасли онлайн дўкондан пушти сувли тўппончалар сотиб олгани учун жаримага тортилди. Бу ҳақда Associated Press хабар бермоқда.
Хабарга кўра, Буҳс шаҳри маҳаллий кенгаши аъзоси Жасли интернет орқали ўзининг жиянларига совға сифатида иккита пушти сувли тўппонча харид қилган. Бироқ Швейцария ҳукумати бу ўйинчоқлар мамлакатнинг қурол тўғрисидаги қонунини бузишини таъкидлаган.
Прокурорлар сиёсатчини 6500 франк (7,390 АҚШ доллари) миқдорида жарима тўлашга мажбур қилган. Уларнинг фикрича, ушбу қонун ҳатто ўйинчоқ қуролларга ҳам татбиқ этилади, чунки уларнинг ташқи кўриниши ҳақиқий ўқотар қурол билан адаштирилиши мумкин. Қонун ҳимоячилари ўйинчоқларнинг ранги пушти эканига қарамай шундай қарор қилган.
Амалдорнинг айтишича, у сувли тўппонча сотиб олиш қонунни бузиши мумкинлигини билмаган. Бироқ у жазога рози бўлиб, жаримани тўлаган.
Изоҳ (0)