Британиялик ветеринар жарроҳ ва “This Morning” кўрсатувининг доимий меҳмони бўлган доктор Скотт Миллер янги тадқиқот ўтказди. Унга кўра, итлар двигателли машиналардан кўра электр транспорт воситаларида саёҳат қилганда ўзларини хотиржам ҳис қилиши аниқланди. Бу ҳақда Korrepondent.net хабар берди.
Тажриба Šкода компаниясининг “Crufts” номли дунёдаги энг йирик итлар кўргазмасига ҳомийлигини давом эттириши муносабати билан ўтказилди. Бунинг учун Британиянинг Суррей графлигидаги “Top Gear” шоусининг собиқ синов трекидан фойдаланилди
Тадқиқот учун Манго лақабли бир ёшар кокер спаниэл ити танлаб олинди. Кучук турли ёқилғи турлари — электр, дизель ва бензин билан ишлайдиган уч хил Šкода машина моделларида соатига 110 км/соатгача тезликда саёҳат қилди. Бу вақт давомида унинг юрак уриш тезлиги кузатиб борилди. Ҳар сафарда итнинг хатти-ҳаракати синчковлик билан таҳлил қилинди ва юрак уриши текширилиб, натижалар таққосланди.
Тинч ҳолатда Мангонинг юрак уриши бир дақиқада 80 зарба эди. “Elroq” электромобилида юриш вақтида кўрсаткич 100 зарбага етди. Бензинли ва дизелли автомобилларда эса итнинг юрак уриши бир дақиқада мос равишда 120 ва 125 зарбани ташкил қилди. Бу эса стресснинг юқори даражасини ифодаларди.
Шунингдек, электромобилда Манго ўзини эркин ҳис қилар, кўпинча ётиб олар ва ҳатто ҳаракат пайтида деярли ухлаб қоларди. Бензинли ва дизелли автомобилларда итнинг ҳолати ташвишли бўлган.
Изоҳ (0)