Нью Йорк ҳайвонот боғи ўзининг ижтимоий тармоқдаги саҳифасида пингвинлар, жирафалар, ялқовлар, капибаралар ва бошқа ҳайвонлар чизган расмлар суратини жойлаштирди. Ушбу санъат асарлари гала-аукционда намойиш этилади.
“Рассомларимиз яқинда бўлиб ўтадиган “Анимал арт ауcтион”да ўз дурдона асарларини намойиш этиш учун тинмай меҳнат қилмоқда”, дейилади постда.
Ҳайвонот боғи ходими Микайла Конвей ижодий жараён ҳақида сўзлаб берди. Расм чизиш ҳайвонлар учун нафақат ўқув машғулотига, балки жараёндан завқ олиш ва ўз ҳис-туйғуларини ифодалашнинг бир усулига ҳам айланган.
Аммо бу натижага ҳайвонларга мотивация берадиган нарса — тамадди бериб туриш орқали эришилди. Мисол учун, пингвинлар уларга мазали мукофот ваъда қилиниши эшитгач, расм чизишга масъулият билан ёндаша бошлаган.
“Пингвинларимизни расм чизишга ундашнинг энг осон йўли бу тамадди”, деди Конвей.
Тҳе Дреам Биг Гала: Night Оут он тҳе Town номли катта аукцион жорий йил 15 март куни бўлиб ўтади. Лотга ҳайвонлар томонидан чизилган санъат асарлари киритилади. Айни пайтда ижтимоий тармоқларда ушбу расмларнинг баъзилари намойиш этилган. Кимошди савдоси ҳам онлайн тарзда ўтказилади ва ундан тушган маблағ ҳайвонот боғи харажatlари ва ҳайвонлар эҳтиёжларига сарфланади.
Изоҳ (0)