“Оқим” мультфильмининг муваффақиятидан сўнг Бразилияда маҳаллий аҳоли ҳайвонлар сақланадиган бошпаналардан қора мушукларни тез-тез асраб олишни бошлади. Бу ҳақда “Правила жизни” хабар берди.
Ушбу трендни Х тармоғи фойдаланувчиларидан бири бошлаб берди. У иккита қора мушук эгаларини излаётганлиги ҳақида пост қолдирди. Хабарда у мушукчаларни “Флоуга ўхшайди” деб атади ва “Оқим” бош қаҳрамонининг “Оскар” ҳайкалчасини ушлаб турган суратини илова қилди.
Унинг пости тез орада кўплаб фойдаланувчилар орасида тарқала бошлади: инсонлар нафақат кўпроқ уй ҳайвонларини асраб ола бошлади, балки мушукларини Флоу деб атай бошлади.
“Бугун мен яна уч нафар одамнинг қора мушук боқиб олганини ва уларга Флоу деб ном берганларининг гувоҳи бўлдим. Эндиликда ҳар сафар кўчада қора мушукка дич келганимда миямга автоматик тарзда: “Дарҳақиқат, бу бизнинг митти Флоузи-ку” деган ўй келади”, деб ёзади Х фойдаланувчилардан бири.
Бразилия ҳайвонлар ҳуқуқларини ҳимоя қилиш ташкилоти — Ампара Анимал Institute вакилининг сўзларига кўра, Гинц Зилбалодис томонидан чизилган сурат қора мушуклар тақдирини кезки ўзгартириб юборади. “Оқим” анимацион фильми узоқ вақтдан бери салбий ва адолатсиз муносабатга дуч келган қора мушукларнинг асраб олинишига турки бўляпти ва уларга бўлган қизиқиш ва аҳолининг меҳри ортиб боряпти.
Латвиялик режиссёр Гинц Зилбалодиснинг “Оқим” тўлиқ метражли анимацион фильми Энг яхши мустақил тўлиқ метражли фильм” ва “Энг яхши сценарий” номинациясида “Оскар” мукофотига сазовор деб топилди. Бу Латвия тарихидаги илк кино академияси мукофотидир.
Мультфильм сюжети марказида сув босган дунёга тушиб қолган қора мушук туради. Унинг уйи вайрон бўлгач, мушук кичик қайиқда сафарга чиқади. Йўлда турли ҳайвонларга: капибара, лемур, ретривер ит ва ғалати котиб қуш кабиларга дуч келади. Улар тамоман бошқа-бошқа бўлсалар-да, қийинчиликларни енгиш учун бир-бирларига ишонишни ва биргаликда ишлашни ўрганишлари керак бўлади. Уларнинг сафари кутилмаган кашфиётлар, хавф-хатарлар ва дўстлик ҳамма нарсадан устун келадиган лаҳзаларга тўла бўлади.
Ушбу мультфильмда ҳеч қандай сўзлар ва диалог ишлатилмагани билан ҳам ажралиб туради. “Оқим” нафақат табиат гўзаллиги ва қудратини намойиш этади, балки дунё инқирозга юз тутганда ҳамжиҳатликнинг юқори аҳамиятга эга эканлигини ёдимизга солади.
Изоҳ (0)