34 ёшли балиқчи Шон Инг Буюк Британиядаги энг катта лаққа балиқни тутди. Гигант балиқнинг вазни 68 килограмм, узунлиги эса деярли 2,5 метрни ташкил қилади.
Балиқ шунчалик оғир бўлиб чиқдики, балиқчилар уни ўлчашга ҳаракат қилганда тарозидаги илгак букилиб қолди. Бундан ташқари, лаққа балиқ жуда кучли бўлиб чиқди: у қармоқ учидаги емни ютиб юборганидан бир ярим соат ўтгач ҳам қаршилик кўрсатишда давом этган. Уни бир нечта киши қирғоққа чиқарган.
Рекордчининг сўзларига кўра, у болалигидан балиқ ови билан шуғулланади. Шон Инг бу соҳага қизиқишига унинг бобоси сабабчи бўлган:
“Бу мен учун севимли ҳобби эмас, балки шижоат манбайидир”, дейди у.
Унинг ови рекорд даражада катталик билан бароридан келиши Инг учун кутилмаган воқеа бўлди. Аммо у болалигидан мамлакатдаги энг катта балиқни тутишни орзу қилган. Бундай рекорд ўрнатганини билган балиқчи нияти амалга ошганидан жуда мамнун.
Ушбу улкан лаққа балиқ 2024 йил сентябрь ойи охирида, Эссекс графлигидаги Малдон шаҳри яқинидаги кўлда тутилган, аммо рекорд куни кеча Британия Балиқчилик бошқармаси томонидан тасдиқланган.
Гиннес рекордлари китобига кўра, мусобақаларда овланган энг катта лаққа балиқнинг вазни 64,86 килограмм бўлган. Рекорд 2011 йилнинг 18 июнида Ричард Николас Андерсон томонидан АҚШнинг Виржиния штатида ўрнатилган. Ингнинг ўлжаси аввалги рекорддан деярли тўрт килограмм ортиқ, шунинг сабабли у жаҳон рекордчилари рўйхатига кириш учун даъво қилиши мумкин.
Изоҳ (0)