Италиянинг Абруззо минтақасида жойлашган Пенне шаҳри тарихий уйлар 1 еврога сотиладиган махсус дастурни жорий қилди. Маҳаллий ҳукумат шу тариқа шаҳар марказининг қиёфасини яхшилашни мақсад қилган.
“Шаҳарда 40 дан ортиқ бўш ва қаровсиз қолган бинолар мавжуд бўлиб, уларнинг барчаси тарихий марказда жойлашган. Бу ерда яшаган оилалар ўн йиллар аввал кўчиб кетган”, деди шаҳар мери Гилберто Петруччи.
“Мазкур дастур 2022 йилда бошланган бўлиб, шу вақтга қадар олтита уй сотилган. Навбатдаги сотувга қўйиладиган уйлар рўйхати яқин кунларда эълон қилинади”, деди мер.
Дастурга кўра, Пенне шаҳридаги Уйғониш даврига оид бир нечта уйлари сотилиши режалаштирилган. Уларнинг аксарияти бир вақтлар фермер оилаларига тегишли эди. Уларнинг аксарияти бошқа мамлакатларга, хусусан, АҚШ, Бельгия, Венесуэлага ва бошқа йирик шаҳарларга фабрикаларда ишлаш учун кўчиб кетган.
Фото: CNN
1 евролик хонадонларга оид дастурларнинг аксарияти харидорлардан 2000 евродан 5000 еврогача депозитни талаб қилади ва хонадон таъмирда ўтгачгина, аввалги сумма қайтарилади. Аммо Пенне харидорлар учун қулай имкониятларни тақдим этмоқда.
“Ягона талаб шундаки, янги уй эгалари ушбу хонадонларни уч йил ичида тўлиқ таъмирлаш мажбуриятини ўз зиммасига олади. Бундан ташқари, янги уй эгалари иш бошлашлари учун биз дастлабки тўлов кафолатини талаб қилмаймиз. Биз тарихий аҳамиятга эга ҳудудларимизни қайта жонлантириш учун юртимиз меҳмонларини ҳар томонлама рағбатлантириш ва қўллаб-қувватлашни истаймиз”, дейди Петруччи.
Фото: CNN
Дастур иштирокчилари учун яна бир қўшимча бонус ҳам бир: уйни таъмирлаш жараёнида янги мулкдорларга италиялик мутахассислар — архитекторлар, геодезия мутахассислари ва қурувчилар ёрдам беради.
Изоҳ (0)