Жорий йил январь–июль ойларида Ўзбекистонда жами 162,9 триллион сўмлик қурилиш ишлари бажарилди. Бу кўрсаткич 2024 йил мос даврига нисбатан 10,7 фоиз юқори (138,9 триллион сўм).
Етти ой 68,7 фоизи қурилишлар бино ва иншоотлар, 20,9 фоизи фуқаролик объектлари, 10,4 фоизи ихтисослаштирилган нуқталар ҳиссасига тўғри келган.
Республика миқёсида энг кўп қурилишлар Тошкент шаҳрида бажарилган. Пойтахтда ҳисобот даврида қарийб 47,2 триллион сўмлик қурилиш қилинган. Мазкур кўрсаткич қолган ҳудудларга нисбатан ўта катта тафовутга эга. Масалан, кейинги ўринларда Тошкент (18,6 триллион сўм) ва Бухоро (10,6 триллион сўм) вилоятларидаги қурилишлар қиймати нисбатан юқори. Лекин қолган ҳудудларда қурилишлар қиймати 10 триллион сўмдан паст. Рақамлар қуйидагича:
- Фарғона вилояти — 9,9 триллион сўм;
- Самарқанд вилояти — 9,9 триллион сўм;
- Қашқадарё вилояти — 9,3 триллион сўм;
- Сурхондарё вилояти — 8,3 триллион сўм;
- Наманган вилояти — 7,6 триллион сўм;
- Андижон вилояти — 7,5 триллион сўм;
- Навоий вилояти — 7 триллион сўм;
- Жиззах вилояти — 4,4 триллион сўм;
- Хоразм вилояти — 6,8 триллион сўм;
- Қорақалпоғистон Республикаси — 5,5 триллион сўм;
- Сирдарё вилояти —3,1 триллион сўм.
Ҳисобот даврида йирик қурилиш ташкилотлари томонидан бажарилган қурилиш ишлари ҳажми 36,2 триллион сўмни ташкил этган. Мазкур кўрсаткич 2024 йил мос давридагидан 13,7 фоизга кўп. Жами қурилиш ишлари ҳажмининг 52,6 фоизи кичик корхона ва микрофирмалар ҳиссасига тўғри келган — 85,7 триллион сўм (ўсиш 9,2 фоиз).
Норасмий секторда қурилиш ишларининг улуши 41 триллион сўмга (жами миқдорнинг 25,2 фоизи) етган. Бунда ўсиш 2024 йил мос даврига нисбатан 11,2 фоиз бўлган.
Жорий йил 1 август ҳолатига кўра, республикада қурилиш соҳасида жами 29 минг 232 та корхона фаолият юритмоқда. Тошкент шаҳри қурилиш корхоналари сони бўйича ҳам етакчилик (7 минг 78 та) қилмоқда.
Изоҳ (0)