АҚШнинг Небраска штатидаги ветеринария клиникасига катта шоколадли тортни еб қўйган опоссум олиб келинди. Ветеринарлар кўрсатган ёрдам натижасида митти ҳайвоннинг ҳаёти сақлаб қолинди.
Небраскалик Ким Доггет исмли аёл уйининг терассасида халтали сутемизувчи — опоссумни кўриб қолган. Унинг айтишича, музлаткичда етарли жой йўқлиги сабабли тортни ҳовлидаги стол устига қўйиб кетган. Бир оз вақт ўтиб ташқарига қайтиб чиққанида эса тортнинг деярли ҳаммасини еб қўйган опоссумни учратган.
Аввалига Доггет ва унинг оиласи ҳайвонни терассадан ҳайдаб чиқаришга ҳаракат қилишди, аммо унинг ўрнидан силжишга кучи қолмаганини ва оғир нафас олаётганини кўргач, уларнинг ҳайвонга раҳми келди.
Сўнг аёл ҳайвонлар учун шоколад хавфли ёки хавфли эмаслигини аниқлаш учун интернетдан маълумот излаб кўрди, аммо бу мавзуда ҳеч қандай мақола топа олмади. Доггетт ширинликлар ит ва мушук каби ҳайвонлар учун мос эмаслигини яхши билар эди, шунинг учун у опоссумга ёрдам беришга қарор қилди.
Ҳайвонларни назорат қилиш ходими опоссумни Wildlife Rehab клиникасига олиб кетди. Шоколаддан юзага келиши мумкин бўлган заҳарланишнинг олдини олиш учун ҳайвонга фаоллаштирилган кўмир берилди ва тиббий кўрикдан тўлиқ ўтказилди. Хусусан, ундан қон таҳлиллари олинди ва рентген аппаратида текширилди.
-1W-0icP8.webp)
Таҳлиллар натижасида ҳайвонда яна бир жиддий муаммо аниқланди: опоссум қонида қўрғошин миқдори кўпайиб кетган. Эҳтимол, бундай заҳарланиш унинг ҳашаротлар билан озиқлангани сабаб бўлган.
Опоссум ҳозирда даволанмоқда. У реабилитация курсидан ўтиши керак. Март ойининг охирида у табиатга қўйиб юборилади.
Изоҳ (0)