Буюк Британияда Ж.К.Роулингнинг “Гарри Поттер ва ҳикматлар тоши” асарининг 1997 йилда чоп этилган биринчи нашри ташлаб юборишга бир бахя қолганда сақланиб қолди. Китоб эгалари уни эски асарлар билан биргаликда қоғозлар қабул қилиш пунктига топширмоқчи бўлган. Ҳозирда ушбу китоб кимошди савдосида деярли 49 минг долларга сотилиши мумкин.
Фото: BBC
“Гарри Поттер ва ҳикматлар тоши” асарининг мазкур нусхасини NLB аукцион уйида ишлайдиган Дениел Пирс топиб олган. Китоб Бриксем шаҳрида яшаган ва яқинда вафот этган шахсга тегишли бўлиб, қариндошлари уни чиқиндига ташлаб юбормоқчи ёки қоғоз қабул қилиш пунктига топширмоқчи бўлган.
“Бу бизнинг энг катта топилмаларимиздан бири. Китоб сақланган уйнинг эгалари ҳаяжонда, чунки улар буни умуман кутмаган эдилар. Сеҳрга бола ҳақидаги ушбу асар китоблар жавонида салкам 20 йил давомида ётган ва жуда яхши ҳолатда сақланиб қолган”, дейди Пирс.
Унинг айтишича, шунга ўхшаш китоблар аукцион уйига кўпинча уринган ва шикаст етган ҳолда қабул қилинади. Ушбу китоб эса идеал ҳолатини йўқотмаган.
Ж.К. Роулинг қаламига мансуб Гарри Поттер китобларининг биринчи нусхалари мунтазам кимошди савдоларида сотилади. Масалан, 2024 йилда унинг нусхаси 55 минг долларга, 2021 йилда эса 14 минг долларга сотилган.
Изоҳ (0)