Токио шаҳри яқинида дунёдаги энг кичик боғ Гиннеснинг рекордлар китобига киритилди, деб ёзади “Правила жизни”.
Боғ 1988 йилда қурилган бўлиб, уни ташкил этиш ғояси маҳаллий аҳолига тегишли. Токиоликлар АҚШга сафари чоғида Орегон штатидаги Милл Эндс Парк номли митти боғни кўриб қолган ва ундан илҳомланган ҳолда ўз юртида худди шундай рекордни ўрнатишга қарор қилган.
Митти боғ чорраҳада жойлашган бўлиб, илгари унинг ўрнида ҳеч нарса бўлмаган.
Эндиликда пиёдалар “ободонлаштирилган ҳудуд”да дам олиш ва автобус кутиш жойи сифатида фойдаланишади. Шунингдек, бугунги кунда мазкур парк кўплаб сайёҳларни ўзига жалб қилмоқда.
Паркнинг майдони 0,24 квадрат метрни ташкил этади, бу икки дона А3 форматдаги қоғознинг катталиги билан тенг. Боғда махсус кириш жойи, бир кишилик кичик ўриндиқ ва бир оз ўтлоқлар мавжуд. Парк 2024 йил 25 декабрда расман шаҳар боғи сифатида рўйхатдан ўтган.
Изоҳ (0)