Иммун тизими танамизнинг инфекциялар ва касалликлар билан курашишга ёрдам берувчи ҳимоя механизмидир. Аммо баъзида у заифлашиб, бизни турли касалликларга кўпроқ мойил қилиши мумкин.
Келинг, мутахассис билан биргаликда иммунитетнинг заифлашишига ишора қилувчи 7 белгини ва уни мустаҳкамлаш усулларини кўриб чиқамиз.
1. Тез-тез шамоллаш ва инфекциялар:
Сўнгги пайтларда кўп шамоллаётган ҳамда грипп ёки бошқа инфекциялар билан касалланишни бошлаган бўлсангиз, бу иммунитет заифлашганининг биринчи белгиси бўлиши мумкин.
Одатда, соғлом иммун тизими вирус ва бактериялар билан самарали кураша олади, шунинг учун тез-тез касалланиш соғлиғингизга эътибор бериш пайти келганидан дарак.
2. Чарчоқ ва ҳолсизлик(заифлик):
Агар сиз етарли даражада уҳласангиз ҳам доимий чарчоқ ва ҳолсизликни ҳис қилаётган бўлсангиз бу иммунитетингиз заифлашгани ва тана ҳаттоки кундалик юмушларга ҳам дош бера олмаётганининг белгисидир.
Чунки иммун тизими инфекциялар билан курашиш учун энергия талаб қилади ва унинг етишмаслиги умумий заифликка олиб келиши мумкин.
3. Жароҳатларинг узоқ битиши:
Бирор тана аъзойингиз тиғ тегиб кесилиб ёки шилиниб кетган ва одатдагидан узоқроқ вақт битаётганини сезган бўлсангиз, бу иммун тизимидаги муаммоларнинг белгиси бўлиши мумкин. Соғлом иммунитет тери тўқималарининг тез тикланишига ёрдам беради, секин тузалиши эса унинг заифлашганини кўрсатади.
4. Аллергик реакцияларнинг кучайиши:
Бурун оқиши, қичишиш ёки тошмалар каби аллергик реакциялар сизни кўп безовта қилаётган бўлса, иммунитет тизимингиз аллергенларга дош бера олмаётганидан даракдир.
Заиф иммунитет тизими оддий моддаларни ҳам таҳдид сифатида қабул қилади ва натижада аллергик реакцияларга олиб келади.
5. Овқат ҳазм қилиш билан боғлиқ муаммолар:
Иммун тизими овқат ҳазм қилиш тизимининг соғлиғида ҳам муҳим рол ўйнайди. Агар сизда қорин дам бўлиши ва ҳазм қилиш билан боғлиқ бошқа муаммолар кузатилса, демак иммун тизимингиз ёрдамга муҳтож. Соғлом ичак микрофлораси иммунитет тизимини қўллаб-қувватлайди, шунинг учун овқат ҳазм қилиш тизимига эътиборли бўлинг.
6. Бошингиз оғрийверса…
Сўнгги пайтларда тез-тез бош оғриқларидан азият чекаётган бўлсангиз, иммун тизимингиз организмдаги яллиғланиш жараёнларига реакция қилаётгани ва бу бош оғриқларига олиб келаётган бўлиши мумкин. Мунтазам бош оғриғи соғлиғингизга ғамхўрлик қилиш пайти келганлигига ишорадир.
7. Кайфият ва руҳий саломатлик:
Агар сиз ўзингизни тушкун, хавотирли ҳис қилсангиз ёки доимий стрессни бошдан кечирсангиз, бу иммунитетингизга салбий таъсир қилиши мумкин. Психо-эмоционал ҳолат умумий соғлиқда муҳим рол ўйнайди ва унинг ёмонлашуви иммун тизимининг заифлашишига олиб келиши мумкин.
Иммунтетни кўтарамиз
Агар юқоридаги белгиларда ўзингизни кўрган бўлсангиз ҳавотирга ўрин йўқ, иммун тизимини мустаҳкамлаш учун кўплаб усуллар мавжуд:
* Тўғри таомланинг: Овқатланиш рационингиз витамин ва минералларга бойлигига ишонч ҳосил қилинг. Сабзавотлар, мевалар, ёнғоқлар ва донли маҳсулотлар иммунитетни қўллаб-қувватлашга ёрдам беради.
* Мунтазам жисмоний машқлар: Доимий жисмоний машқлар қон айланишини яхшилашга ва иммун тизимини мустаҳкамлашга ёрдам беради.
* Ухлаш: Етарли даражада ухланг. Ухлаш вақтида организм тикланади ва иммун функцияларини мустаҳкамлайди.
* Стрессни бошқариш: Медитация, ёга ёки чуқур нафас олиш каби релаксация усулларини қўллаб, стресс даражасини пасайтиринг.
* Сув истеъмол қилиш: Организмни токсинлардан тозалаш ва оптимал гидратланиш даражасини сақлаш учун етарли миқдорда сув ичинг.
* Ёмон одатлардан воз кечиш: Чекиш ва спиртли ичимликларни ортиқча истеъмол қилиш иммун тизимини заифлаштиради, шунинг учун уларни чеклаш керак.
* Мунтазам тиббий кўрикдан ўтиш: Мунтазам тиббий кўрикдан ўтиб, соғлиғингизни назорат қилинг.
Изоҳ (0)