Ёрқин рангли, хушбўй ва фойдали бўлгин апельсинлар C витаминига бой маҳсулот сифатида истеъмол қилинади. Диетологлар кундалик овқатланиш тартибига албатта бир дона апельсин қўшишни маслаҳат беради. Ҳар куни цитрус мева истеъмол қилсангиз, организмда қуйидаги ижобий ўзгаришлар рўй беради.
Овқат ҳазм бўлиши яхшиланади
Шифокор-диетолог Виктория Уиттингтоннинг таъкидлашича, клетчатка ва антиоксидантларга бой апельсинлар ҳазм қилиш тизимини яхшилайди, холестерин даражасини назорат қилади. Ушбу мева қабзиятни даволайди, озишда ёрдам беради, йўғон ичак саратони ривожланиш хавфини камайтиради.
Иммунитет мустаҳкамланади
Шифокор-диетолог Ким Мелтон сўзларига кўра, C витамини турли касалликларга қарши курашишда муҳим элемент ҳисобланади. Цитрус мевалари, жумладан, апельсин ҳам C витаминига бой бўлиб, иммун тизимини мустаҳкамлашга ва турли касалликлардан ҳимоя қилишга ёрдам беради.
Кайфият кўтарилади
Илмий тадқиқотлар озиқ-овқат ва кайфият ўртасида кучли боғлиқлик борлигини исботлаган. Апельсин кайфиятни кўтаради ва депрессия аломатларини камайтиришга ёрдам беради.
Юрак-қон томир касалликлари хавфи камаяди
Апельсин қон томирларининг эластиклигини ошириш ва қон босимини нормаллаштиришда муҳим рол ўйнайди. Буларнинг барчаси юрак-қон томир тизими фаолиятига ижобий таъсир қилади ва томирларда тромб ҳосил бўлиши ва торайишининг олдини олади. Апельсин таркибидаги гесперидин ва нарингенин флавоноидлари яллиғланишни камайтиради ва юрак фаолиятига ижобий таъсир қилади.
Альцгеймер га чалиниш эҳтимоли камаяди
Илмий тадқиқотлар шуни кўрсатадики, апельсин нейропротектор — нерв толаларини ҳимоя қилиш вазифасини бажаради ва кексайганда Альцгеймер каби мия фаолияти билан боғлиқ касалликлар ривожланишининг олдини олади.
Тери саломатлигини таъминлайди
Апельсин таркибидаги C витамини ажинларни камайтиришга ёрдам беради ва коллаген ҳамда эластин ишлаб чиқаришни рағбатлантиради. Шундай қилиб, апельсинни ёшликни сақлаб қолишнинг энг самарали воситаларидан бири деб ҳисоблаш мумкин.
Изоҳ (0)