Афсуски, қиш нафақат Янги йил байрами, балки шамоллаш учун ҳам қулай мавсумдир. Айниқса, январь ойининг илк кунларида томоқ оғриғи билан уйғониш янгилик эмас. Лекин инсонлар севиб истеъмол қиладиган бир қанча маҳсулотлар тузалишни сезиларли даражада секинлаштиради. Marie Claire нашри томоқда оғриқ, йўтал ва қичишиш хусусияти бўлса, қайси маҳсулотдан воз кечиш кераклигини маълум қилди.
Қарсилдоқ газаклар
Чипс, крекер ва шунга ўхшаш газаклар қаттиқлиги туфайли шамоллашнинг нохуш аломатларини оширади. Улардан тийилишнинг иложи бўлмаса, ҳеч бўлмаганда илиқ чойга ботириб олиб, истеъмол қилиш тавсия этилади.
Аччиқ маҳсулотлар
Томоқ оғриганда рациондан барча аччиқ соус ва газакларни чиқариб ташлаш лозим, улар фақат оғриқ ва йўтални кучайтиради.
Цитрус мевалар
Тўғри, улар C витаминига бой ва иммунитет тизимини мустаҳкамлашга ёрдам беради. Аммо кислоталилиги туфайли томоқдаги яллиғланиш хусусияти ортади. Агар томоқ оғриғи аломати бўлса, касаллик тузалгунча лимон ва апелсин истеъмол қилишни тўхтатиб турган маъқул.
Янги қаттиқ сабзавотлар
Сабзавотлар, албатта, жуда фойдали, лекин томоқ оғриғи вақтида эмас, улар ҳам шиллиқ қаватни тирнайди ва тузалишни қийинлаштиради. Уларни касаллик вақтида пишириб, пюре ҳолида истеъмол қилиш мумкин.
Қовурилган таомлар
Қовурилган егуликлар, масалан, картошка фри, товуқ, наггец ва бошқалар томоқда қўшимча яллиғланишни келтириб чиқаради. Шунинг учун касаллик пайтида қайнатилган ва димланган таомларга устунлик беришни унутмаслик лозим.
Изоҳ (0)