Брюссел карами ҳақида эшитганмисиз? Кўплаб оилаларда мазкур турдаги карам деярли истеъмол қилинмайди. Бунга сабаб ўзбек таомларига ушбу сабзавотнинг қўшилмаслиги ёки шунчаки ундан бирор таом тайёрлашни билмасликдир. Қолаверса, кўпчиликка брюссел карамининг бир оз тарих таъми ёқмайди. Бироқ диетологларнинг таъкидлашича, у дунёдаги энг фойдали сабзавотлар рўйхатида биринчиликни эгаллайди.
Брюссел карами кўринишидан майда латук карамига ўхшаб кетади, у ўзида кўплаб витамин ва минералларни сақлагани боис ўндан ортиқ касалликка даъво ҳисобланади. Мутахассислар ушбу карамни кундалик рационга киритишни тавсия қилишади.
Тадқиқотларга кўра, брюссел карами ўзида фойдали моддаларни сақлаш бўйича бошқа бир қатор сабзавотлардан устун бўлиб, ундаги C витамини миқдори лимонга қараганда кўпроқдир. У барча органларнинг ишлаши, иммунитет мустаҳкамлиги, коллаген синтези ва метаболизм учун зарурдир.
Фото: Агро Тҳриве
Ушбу турдаги карам суяк, тирноқ ва сочни мустаҳкамловчи калцийга бой. 100 грамм брюссел карамида камида 4 грамм ўсимлик толалари мавжуд. Улар ичакларнинг нормал ишлаши учун муҳимдир. Брюссел карамнинг ошқозон-ичак тракти касалликларида ҳам истеъмол қилиниши рухсат этилган камдан-кам сабзавотлардан биридир. У қорин дам бўлишига олиб келмайди, ферментацияга учрамайди ва бошқа ноқулай аломатларга олиб келмайди.
Шунингдек, ушбу сабзавотда саратонга қарши бирикмалар ҳамда глюкозинолатлар мавжуд бўлиб, улар организмдан турли токсинлар ва кансерогенларни чиқариб ташлашга ёрдам беради ҳамда юрак касаллигига чалиниш хавфини камайтиради.
Брюссел карами суюқ овқатга солинганда хуштаъм маза беради. У хом ёки қайнатилган, қовурилган ҳолда истеъмол қилинади. Ундан турли консервалар ҳам тайёрлаш мумкин.
Изоҳ (0)