Ҳамма ҳам тез ва осон озишни хоҳлайди, лекин сунъий дорилар ва қўшимчалар ҳар доим ҳам хавфсиз бўлмайди. Шунинг учун кўпчилик табиий усулларга мурожаат қилади. Аслида, кундалик овқатланиш рационимизга қўшишимиз мумкин бўлган баъзи маҳсулотлар бор, улар организмга зарар бермасдан ортиқча вазн билан курашишда ёрдам беради. Бу маҳсулотлар моддалар алмашинувини тезлаштириш, иштаҳани назорат қилиш ва ёғларни парчаланишига кўмаклашиш хусусиятига эга.
Ушбу мақолада оздирувчи дориларга ўхшаш таъсир кўрсатадиган 5 та табиий маҳсулот ҳақида сўз юритамиз.
Авокадо
Кўпчилик ёғли маҳсулотлар семиришга сабаб бўлади деб ўйлайди, аммо авокадо бунга истисно. Таркибидаги фойдали ёғлар ва тўйинган толалар туфайли у организмни узоқ вақт давомида тўқ сақлайди, иштаҳани назорат қилишга ёрдам беради ва зарарли тамадди қилиш истагини камайтиради.
Авокадонинг яна бир афзаллиги — у метаболизмни тезлаштириб, ёғларнинг парчаланишига кўмаклашади. Тадқиқотларга кўра, авокадо мунтазам истеъмол қилинганда қорин ва бел соҳасидаги ёғларни камайтиришга ёрдам беради. Ундаги калий ва антиоксидантлар организмни тозалашга, ортиқча суюқликни чиқаришга ва энергияни оширишга хизмат қилади.
Шунинг учун агар сиз озиш жараёнида мазали ва фойдали маҳсулот излаётган бўлсангиз, авокадони рационга қўшишингиз мумкин. Уни турли салатлар билан, нонушта учун ёки смузи билан истеъмол қилиш тавсия этилади.
Тухум
Тухум — юқори сифатли оқсил ва муҳим озиқ моддалар манбаи бўлиб, озиш жараёнида самарали ёрдамчи ҳисобланади. Унинг таркибидаги оқсил моддалар алмашинувини тезлаштиради, мушак массасини сақлашга ёрдам беради ва узоқ вақт тўқлик ҳиссини таъминлайди. Айниқса, эрталаб нонуштага тухум истеъмол қилиш кун давомида камроқ овқатланишга ёрдам бериши мумкин.
Бундан ташқари, тухум таркибида холин моддаси мавжуд. У организмнинг ёғларни парчалаш жараёнида муҳим рол ўйнайди ва жигар фаолиятини қўллаб-қувватлайди. У ёғларнинг тўпланишини олдини олиб, уларнинг энергияга айланишига ёрдам беради. Шу сабабли холин моддаси метаболизмни тезлаштириш ва ортиқча вазнни камайтиришга ижобий таъсир кўрсатади.
Олма
Олма нафақат мазали, балки табиий усулда вазн йўқотишга ёрдам берувчи ажойиб маҳсулотлардан бири. Унинг таркибида кўп миқдорда ўсимлик толалари мавжуд бўлиб, улар очлик ҳиссини камайтиради ва узоқ вақт тўқликни сақлашга ёрдам беради. Айниқса, олма таркибидаги пектин моддаси ҳазм жараёнини секинлаштириб, углеводларнинг организмга сингишини камайтиради. Бу эса қон шакарининг бирдан ошиб кетишинин олдини олади ва иштаҳани назорат қилишга ёрдам беради.
Шунингдек, олма табиий ширинлиги туфайли шакар истеъмолини камайтиришда ҳам фойдали бўлиши мумкин.
Селдерей
Селдерей таркибида марганец, холин, ўсимлик толалар, эфир мойлари, витаминлар ва бошқа фойдали моддалар мавжуд. Улар ичак фаолиятини яхшилайди, танадаги шишларни йўқотади, ёғларнинг парчаланишини тезлаштиради. 100 грамм сабзавот ўз ичига атиги 16 ккал энергияни олади.
Селдерейдаги антиоксидантлар ва витаминлар организмни тозалайди ва зарарли токсинлардан халос қилади. Ушбу кўкатни янги узилган ҳолда истеъмол қилиш, салатларга қўшиш ёки шарбат шаклида ичиш вазн ташлаш жараёнини тезлаштиради. Айниқса, уни нонушта ёки тушлик орасида истеъмол қилиш иштаҳани назорат қилишга ҳамда зарарли газакларга бўлган эҳтиёжни камайтиришга замин яратади.
Қора шоколад
Максимал какао таркибига эга қора шоколад (камида 70%) ҳар қандай парҳезда истеъмол қилиш мумкин бўлган ширинликдир. Унинг таркибида иштаҳани камайтирадиган ва метаболизмни тезлаштирадиган антиоксидантлар ва юрак-қон томир саломатлиги учун муҳим бўлган магний мавжуд. Кунига 20-30 граммдан кўп бўлмаган миқдорда шоколад ейиш мумкин.
Қора шоколад таркибида теобромин ва кофеин каби моддалар мавжуд бўлиб, улар моддалар алмашинувини тезлаштиради ва ёғларнинг парчаланишига ёрдам беради. Шунингдек, у ишқорий ёғларни ўз ичига олганлиги сабабли қондаги шакар даражасини барқарор ушлаб туради ва ширинликка бўлган иштиёқни камайтиради.
Изоҳ (0)