Тери — инсон организмининг энг катта органи бўлиб, у ташқи таъсирлардан ҳимоя қилиш, тана ҳароратини тартибга солиш ва бошқа муҳим функцияларни бажаради. Аммо баъзан терида пайдо бўладиган ўзгаришлар жиддий касалликларнинг дастлабки белгиси бўлиши мумкин. Дерматолог Эми Базил қандай ҳолатда теридаги ўзгаришларни эътиборсиз қолдирмаслик кераклиги ҳақида маълумот берди.
Ҳуснбузарга ўхшаш кичик шиш
Учида ҳеч қандай йиринг бўлмаган, ҳуснбузарга ўхшаш шаклдаги шишга тегилмаса ҳам қон оқса ва бу ҳолат бир неча ой давом этиб, шиш йўқолмаса, бу тери саратони белгиси бўлиши мумкин. Агар сиз ана шундай муаммога дуч келсангиз, биопсия таҳлили қилишга шошилиш зарур, дейди дерматолог Рина Байман.
Тана ҳидининг кескин ўзгариши
Дерматолог Анжела Бримхолл буни қуйидагича тушунтиради:
“Танадан келадиган ўзгарувчан ҳидлар бир қатор гормонал муаммоларни ёки инфекцияларни кўрсатиши мумкин. Масалан, триметиламинурия деб аталадиган метаболик касалликда теридан айниб қолган балиқ иси келади. Бундай ҳолат баъзи аёлларда ҳайздан олдин кузатилади. Касалликни эса фақат шифокор даволай олади, Кўпинча бактерияларга қарши антибиотик терапия буюрилади”.
Вена ва майда томирларнинг кўриниб қолиши
Агар танадаги қон томирлари тўсатдан яққол кўриниб қолса ва бу ҳолат шиш, оғриқ ёки қизаришлар билан давом этса, шифокорни кўригини кечиктирмаслик лозим.
“Бу ҳолат кўпинча жисмоний зўриқиш, иссиқлик, қуёшнинг таъсири ва сиқиб турадиган кийим туфайли юз беради. Аммо баъзан бўртиб бораётган томирлар тромбоз ва бир нечта турдаги аутоиммун касалликлардан дарак бериши мумкин”, дейди доктор Бримхолл.
Тери рангининг кескин ўзгариши
Тери ранги инсон саломатлигининг муҳим кўрсаткичларидан бири бўлиб, унинг тўсатдан ўзгариши турли ички ёки ташқи омиллар билан боғлиқ бўлиши мумкин. Айрим ҳолларда терининг ранги вақтинчалик ўзгаради ва хавф туғдирмайди, аммо баъзан жиддий касалликларнинг дастлабки белгиси бўлиши мумкин.
Тери рангининг ўзгаришига сабаб бўлувчи омиллар
- Гиперпигментация (қорайиш);
- Қуёш нурларининг таъсири;
- Гормонал ўзгаришлар (ҳомиладорлик, менопауза, туғруқдан кейинги ҳолатлар);
- Мелазма (одатда юз терисида пайдо бўладиган тўқ жигарранг доғлар);
- Гипопигментация (оқ доғлар);
- Витилиго (теридаги оқ доғлар);
- Жигар ва ўт пуфаги касалликлари;
- Гемолитик анемия;
- Темир танқислиги анемияси;
- Оқсилларнинг етишмовчилиги;
- Витамин C ёки К танқислиги ва бошқалар.
Тирноқларнинг ўзгариши
Тирноқлар ранги инсон саломатлиги ҳақида кўплаб маълумот бера олади. Уларнинг табиий ранги оч пушти бўлиши керак, тирноқ остидаги тўқималар эса соғлом қон айланиши натижасида рангпар қизғиш тусга эга бўлади.
“Тирноқ остидаги тўлқинсимон қизил чизиқлар эндокардит деб аталадиган юрак касаллигини кўрсатиши мумкин. Тирноқ атрофидаги қизил ёки оқ доғлар аутоиммун касалликнинг белгисидир”, дейди Бримхолл.
Қорайиб, силлиқ бўлиб қолган тери қисми
Агар бўйин, қўлтиқ қисми, оёқлар орасидаги тери қорайиб, силлиқ бўлиб қолса, бу аcантҳосис нигриcанс — қора акантоз касаллигини билдириши мумкин. Бу ҳолат кўпинча инсулинга резистентликдан келиб чиқади ва ўз вақтида даволанмаса, 2-тоифа қандли диабетга олиб келади.
Кафтларнинг қичиши
Ўнг қўлнинг қичиши пул келишини англатмайди. Агар сизда бундай ҳолат бир неча ой давом этса ва айниқса, тунда кўпайиб, қичишган соҳада қизаришлар пайдо бўлса, жигар фаолиятини ва ўт пуфагини текширтиринг ва умумий қон таҳлили ўтказинг.
Тери силлиқловчи қоғоз тасмадек нотекис бўлиб қолса\
Бундай ҳолат фолликуляр кератоз касаллигидан бўлиши мумкин. Бу ҳолат хавфли эмас, у кўпинча бошқа жиддийроқ касалликлар — атопик дерматит, астма ва мавсумий аллергия билан бирга келади.
Изоҳ (0)