Ҳозирги пандемия вақтида, қолаверса, ҳаво ҳарорат пасайиб, шамоллаш ва касалликлар авж олган бир вақтда иммунитетнинг мустаҳкам бўлиши ҳар қачонгидан ҳам муҳимроқ саналади. Саломатлик билан боғлиқ муаммолар кузатилмаслиги учун эса рациондан қандай маҳсулотлар ўрин олганига эътибор қаратиш, витамин ва минералларга бой маҳсулотлар ейишни канда қилмаслик керак.
Кўкатлар
Кўкатларнинг барчаси, хусусан, кейл ва исмалоқ кучсизланган иммун тизими учун энг яхши маҳсулот саналади. Унда ҳужайраларни шикастланишдан сақловчи ва пайдо бўлиши мумкин бўлган яллиғланиш жараёнларининг олдини олиш, шунингдек, организмни вирусларга чидамлилигини ошириш хусусиятига эга бўлган муҳим антиоксидант каратэноид мавжуд. Яшил сабзавот ва кўкатлардан тайёрланган салат нафақат қоматингиз, балки саломатлигингиз учун ҳам фойдали.
Ёғли балиқ
Агар балиқ маҳсулотлари сизнинг таомномангизга тўғри келмайдиган бўлса, унда рационга зайтун ёғи ва авокадони киритиш мумкин. Уларнинг барида иммунитетни мустаҳкамлашда муҳим рол ўйнайдиган омега-3 ёғ кислотаси бўлади. У дастлабки босқичларда яллиғланишнинг олдини олади, организмни турли вирус ва бактериялардан ҳимоя қилади.
Цитрус мевалар
C витамини вирусли инфекциялар билан курашиш хусусиятига эга. Цитрус мевалар эса ушбу витаминнинг кони. Аммо энг кўп фойдали моддалар сиз-у биз артиб ташлашни яхши кўрадиган мева пўстлоқларида жойлашган бўлади. Масалан, лимон пўстлоғини еб бўлмаслиги мумкин, лекин уни қуритиб, чойга қўшиб дамлаб ичиш саломатлик, хусусан, иммунитет учун ҳам фойдали бўлади.
Брокколи
Саломатлик билан боғлиқ кўплаб муаммоларга ечим бўлгани ва иммунитетни мустаҳкамлагани сабаб ҳам брокколини супер маҳсулот деб атаса бўлади. У бир қанча витамин ва минераллар, айниқса, кальций, магний, фосфор ва C витаминининг кони саналади.
Товуқдан тайёрланган шўрва
Аввалдан шамоллаганда товуқ шўрва ичиш тавсия қилиниши бежиз эмас. Чунки қайноқ ва енгил мазкур таом истеъмоли иммунитетни мустаҳкамлаб, шамоллашга хос симптомларни камайтиради. Гап шундаки, товуқ гўшти организмдаги кўплаб кимёвий жараёнларда иштирок этадиган B6 витаминига бой бўлиб, у қизил қон таначалари шаклланиши ва ҳужайраларнинг шикастланишдан сақланишига ёрдам беради.
Мавзуга доир:
Изоҳ (0)