Мазкур классик фильмлар экранга чиққанига ҳам бир неча ўн йиллардан ошди. Бу вақт ичида турли кино ишқибозлари улардаги сезиларли хатоларни топибди ҳам. Аммо комедияларни томоша қилишда кўпчилик пайқамаган яна бир нечта ноаниқликлар ҳам мавжуд.
“Кавказ асираси ёки Шурикнинг янги саргузаштлари”
Тузоққа тушган Нина хонадан чиқишга уриниб, оёқ кийими билан эшикка зарб билан уради. Эшик юзасида туфли излари қолади, аммо кейинги кадрларда улар йўқолганини кўриш мумкин.
Оч қолган Нина булочка ва меваларни ея бошлади, шу вақтда Қўрқоқ, Барзанги ва Аҳмоқ унга қўшиқ айтиб, ўйнай бошлайди. Қаҳрамонлар рақсга тушаётганда Нина жуда қисқа вақтда идишдаги деярли барча таомни еб қўйгани кўрсатилади.
“Омадли жентлменлар”
Саҳналардан бирида Доцент цементдан бутунлай қотиб қолган шимини тош билан ура бошлайди. Кадрда унинг ёнида жуда катта тош ҳам борлиги кўришингиз мумкин. Аммо бир лаҳзадан кейин ўша тош қаергадир ғойиб бўлади.
“Москва кўз ёшларга ишонмайди”
Аввалига Алентова ижро этган қаҳрамоннинг ёнида сумканинг очиқ турганини кўрамиз, ундан шарфнинг бир учи чиқиб туради. Кейинги кадрда Гоша, сўнг яна Катерина кўрсатилади. Фақат бу сафар унинг ёнидаги сумка аллақачон ёпиқ ҳолатда намоён бўлади. Кейин қаҳрамонлар ўртасидаги диалог бошланганда ўша рўмол мўжизавий тарзда яна сумкада пайдо бўлади.
Люда ўзига оро бераётган пайтда унинг қулоқларида кўк сирғалар бўлади, кейин улар оқ зиракларга ўзгариб қолади.
“Одам-амфибия”
Ушбу фильмда Гутиерренинг сувга сакраб тушиши ва акула ҳужуми саҳнасида бир хатолик бор. Ҳушсиз қолган қиз сув тубига чўкиб, тупроқли ерга чалқанчасига тушади. Бироқ кейинги кадрда у ёнбошида ётгани кўрсатилади. Ихтиандр унинг олдига сузиб келганида, қаҳрамон яна чалқанча ҳолатда ва қумда эмас, балки денгиз ўтлари олдида кўрсатилади.
“Қизлар”
Тося жуда оч қолганидан катта нон бўлагини емоқчи бўлгандир, эҳтимол. Аммо бир неча сония ичида қўлидаги нон учдан иккига камайиши реалликдан йироқ.
“Ишдаги ишқ”
Сюжетга кўра, айни пайтда қаҳрамон Людмила Калугина (Алиса Фрейндлих) котиба Верочка (Лия Ахеджакова) ёрдамида чиройли қадам ташлашни ўрганаётган бўлади. Хонага нотаниш одамлар кириб келганда, Калугина шошилиб жигарранг пиджагини кияди, лекин тугмаларни қадашга улгурмайди.
Сўнг Калугина тугмаси ёпиқ кийимда Новоселцев билан суҳбатлашган кадр пайдо бўлади. Новоселцев от ҳайкалини столга қўйиш вақтида йиқилиб тушади. Шу вақт Калугина пиджак тугмалари қадалмаган ҳолда унга ёрдам беради.
Олга Рижова поездга кетаётганда қўлида соябони бўлади. Аммо кадрлар ўзгариши билан соябоннинг тутқичи ҳам ўзгариб қолади. Аввалига томошабин унинг думалоқ эканлигини кўради, кейин эса у чўзинчоқ шаклда бўлиб қолади.
“Карнавал кечаси”
“Беш дақиқа” қўшиғини ижро этиш пайтида Людмила Гурченконинг қаҳрамони соат орқасидан намоён бўлади. Бу вақтда сиферблатнинг икки томонида саҳнада мусиқачилар куй чалиб ўтиради. 9 рақамининг ёнида иккита скрипкачига аҳамият беринг. Уларни яқинроқ кадрдан кўрсатганда йигитлар бирдан сурнайчига айланиб, ўрни ҳам алмашиб қолганининг гувоҳи бўласиз.
“Муҳаббат ва кабутарлар”
Фильмда киноафиша ортида шоуга неча кун қолгани ҳақида маълумот берилган. Аммо аввалига 69 кун қолгани ёзилган стенд кадр ўзгарганидан сўнг 65 кунга айланиб қолади.
“Энг латофатли ва жозибали”
Надя бланкаларни тўлдираётганида, унинг олдида фақат сариқ ва яшил қоғозлар ётарди. Аммо кадр ўзгариши биланоқ қаҳрамон йўқ жойдан оқ қоғоз ушлаб туради.
“Бриллиант қўл”
Геша Козодоев омадсизлик ороли ҳақида қўшиқ куйлаётган вақтда, унинг сочи жингалак бўлади. Кадр ўзгарганда эса сочлари текис ва таралган ҳолатда қўшиқ айтаётгани тасвирланади.
Изоҳ (0)