“Уйда ёлғиз” франшизасининг биринчи фильми 1990 йилда экранларга чиққан. Бош ролни 10 ёшли Маколей Калкин ижро этган — актёр ҳозир 44 ёшда. “Уйда ёлғиз” фильми бутун дунё бўйлаб 476 миллион доллар йиғиб, 2011 йилда “Базм 2” фильми чиққунга қадар энг кўп даромад келтирган Янги йил ҳақидаги фильм номини сақлаб қолди. Аммо шундай машҳур фильмда ҳам баъзи хатоликлар учраб туради.
Пицца
Кевиннинг акаси Базз пиццани ейди, тўғрироғи, уни оғзига олиб боради. Калкин томонидан кўрсатилганда, у пицца бўлагини чап қўлида ушлайди, кадр алмашганда эса ўнг қўли билан.
Футболка
Баззнинг хонасидаги нарсалар жонлангандек гўё. Бир ракурсда яшил футболка стулнинг бир чеккасида осилиб туради, кадр ўзгарганда эса ўнг томонга сурилади.
Чироқ
Гараждаги чироқ ўз-ўзидан ёниб-ўчади. Кевиннинг ҳам, ўғриларнинг ҳам бунга алоқаси йўқ, чунки Кевиннинг оиласи Парижга кетган.
Зинадаги фотосурат ва буюмлар
Ҳеч ким уларга тегмаган бўлса-да, уйдаги баъзи нарсалар ғойиб бўлади. Оилавий суратлардан бирининг зинапоя ёнидаги девордан йўқолиб қолиши яна қандай изоҳлаш мумкин? Зина тепасидаги декоратив столга эътибор беринг. Столдаги қизил баргли гулдаста қаёққадир ғойиб бўлган, ялтироқ гулдоннинг ўзи ҳам кичрайиб қолгандек туюлади. Стол тепасидаги расм ҳам бир-биридан фарқ қилади.
Дазмол
Кўплаб томошабинлар ўғрилар олган баъзи жароҳатлар ўхшамаганини таъкидлайди. Масалан, нима учун дазмол тушиб кетганидан кейин Марвнинг юзида куйиш излари пайдо бўлади, ахир дазмол ёқилмаган эди? Аслида эса ўғрининг юз суяклари синиши керак эди.
2021 йилда “Уйда ёлғиз” фильми қайта суратга олинган. Сюжетга кўра, Макс исмли кичик қаҳрамон бутун оиласи таътилга Японияга кетганида уйда ёлғиз қолади. Айни пайтда икки ўғри унинг уйидан оилавий ёдгорликни ўғирлаш ниятида. Макс қандай бўлмасин, оилавий мулкни ҳимоя қилишга қарор қилади.
Изоҳ (0)