Режиссёр Леонид Гайдайнинг афсонавий “Операция Ы ва Шурикнинг бошқа саргузаштлари” комедияси бу йил 58 ёшга тўлди. 1965 йилда экранларга узатилган ушбу фильм совет киноси тарихидаги энг муваффақиятли лойиҳалардан бирига айланди. СССРнинг деярли 70 миллион аҳолиси уни кинотеатрларда томоша қилган.
Фильм учта қисмдан иборат бўлиб, унда бош ролда Шурик исмли йигит туради. У ақл бовар қилмайдиган ажойиб вазиятларга тушиб қолади. Ушбу қаҳрамонни актёр Александр Демяненко ижро этган. Шунингдек, фильмда Наталя Селезнйва, Алексей Миронов, Георгий Вицин, Юрий Никулин ва Евгений Моргунов каби таниқли актёрлар ҳам иштирок этган.
Ўзининг бошқа фильмларга ўхшамас сюжети билан танилган “Операция Ы ва Шурикнинг бошқа саргузаштлари” комедияси ҳам турли хатоликлардан холи эмас. Масалан, ижодкорлар эътиборидан четда қолдирган энг машҳур саҳналардан бири бу жаҳлдор кучук ва уни ухлатиш мақсадида берилган колбаса саҳнаси эди.
Лида ва Шурик уйга кетаётганда ғазаб билан боқаётган итга дуч келишади. У ёшларнинг йўлини тўсиб, Лидага ўз уйига кириб кетишига йўл қўймайди. Шунда Шурикнинг хаёлига ажойиб ғоя келади: у колбаса ичини ухлатадиган таблеткалар билан тўлдириб, итга ташлайди.
-0WGVtZyu.jpeg)
Шу лаҳзада диққат билан қарасангиз, у аввал колбаса ичига тўртта таблетка солади. Ит еб бўлгач эса ерда 5 та таблетка қолади.
Изоҳ (0)