Актриса Анжелина Жоли People нашрига нима учун ҳеч қайси фарзанди ота-онасининг изидан боришни истамаслиги сабаблари ҳақида сўзлаб берди. Жоли ҳар доим фарзандларининг кино соҳасида ўзини синаб кўришларини истаган, улар эса бунга қизиқиш билдирмаган.
“Мен кино саноати қанчалар ажойиб эканлигини билишларини, ижодкор ҳамда санъаткор бўлишларини хоҳлардим. Аммо уларни бу нарса қизиқтирмайди”, деди актриса.
Машҳурлик ва шоу-бизнес, айниқса, Жоли ва Питтнинг қизи 18 ёшли қизи Шайлога ёқмайди. Шунга қарамай, актрисанинг болалари унга ижодий ишларда доим кўмаклашган. Хусусан, унинг икки ўғли Меддокс ва Пакс “Мария” фильмини суратга олиш майдонида режиссёр ёрдамчиси бўлиб ишлаган.
“Болаларим рақсга тушишни яхши кўради, баъзилари эса рассомликка ишқибоз, айримлари театр соҳасини яхши кўради, лекин уларнинг ҳеч бири катта экранларга чиқиш истагини билдирмайди”, дея қўшимча қилди Жоли.
Собиқ турмуш ўртоқлар — Бред Питт ва Анжелина Жолининг олти нафар фарзанди бор. Анжелина 2002 йилда камбожалик Меддоксни, 2005 йилда эфиопиялик Захарани ҳамда 2007 йилда ветнамлик Пакс Тен исмли болани асраб олган. Жуфтликнинг Шайло исмли қизи, Нокс Леон ва Вивен Маршелин исмли эгизаклари ҳам бор.
Уларнинг барчаси отаси билан салбий муносабатда. Хусусан, 2024 йил 31 май куни Шайло Жоли-Питт 18 ёшга тўлган куни отасининг фамилиясидан воз кечди. 20 ёшли Пакс эса отасини ҳаётини дўзахга айлантирган даҳшатли одам деб атади.
“Сени кўрганда қўрқувдан титрайдиган тўрт нафар кичик фарзандларимизга ҳеч қандай эътибор ва раҳм-шафқат ҳам кўрсатмадинг”, дея ижтимоий тармоқда Питтга мурожаат қилган эди Жоли.
Изоҳ (0)